Малоткавіцкі сельсавет
Мало́ткавіцкі сельсавет — адміністрацыйна-тэрытарыяльная адзінка ў складзе Пінскага раёна Брэсцкай вобласці Беларусі. Адміністрацыйны цэнтр сельсавета — аграгарадок (да 2008 года вёска) Малоткавічы.
| Малоткавіцкі сельсавет | |
|---|---|
| Краіна |  Беларусь |
| Уваходзіць у | Пінскі раён |
| Уключае | 9 населеных пунктаў |
| Адміністрацыйны цэнтр | Малоткавічы |
| Дата ўтварэння | 12 кастрычніка 1940 |
| Насельніцтва (2019) | 4 681 |
| Код аўтам. нумароў | 1 |
Утвораны 12 кастрычніка 1940 года як Жабчыцкі сельсавет у складзе Жабчыцкага раёна Пінскай вобласці. Цэнтр — вёска Жабчыцы. З 8 студзеня 1954 года ў складзе Брэсцкай вобласці. 16 ліпеня 1954 года сельсавет перайменаваны ў Малоткавіцкі, цэнтр перанесены ў вёску Малоткавічы[1]. З 14 кастрычніка 1957 года ў складзе Пінскага раёна. 22 снежня 1959 года вёскі Вялікая Вулька, Жытнавічы і Ізін перададзены ў склад сельсавета з Завідчыцкага сельсавета[2]. На 1 студзеня 1974 года ў складзе сельсавета 9 населеных пунктаў[3].
Насельніцтва сельсавета паводле перапісу 2009 года — 4815 чалавек[4], з іх 94,8 % — беларусы, 2,7 % — рускія, 1,6 % — украінцы[5]; паводле перапісу 2019 года — 4681 чалавек[6].
Крыніцы
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.