Куфэрак Віленшчыны

«Куфэрак Віленшчыны»
«Куфэрак Віленшчыны»
Тып	часопіс
Галоўны рэдактар	Міхась Казлоўскі
Заснавана	2000
Мова	беларуская

«Куфэ́рак Ві́леншчыны» — гісторыка-краязнаўчы і літаратурна-мастацкі часопіс. Выдаваўся з кастрычніка 2000 года ў Маладзечне на беларускай мове неперыядычна.

Змяшчаў матэрыялы, прысвечаныя краязнаўству, гісторыі, фальклору, этнаграфіі, станаўленню асветы на Віленшчыне, прапагандаваў творчасць мясцовых пісьменнікаў і мастакоў. Кожны нумар прысвечаны пэўнай гістарычнай асобе або роду Віленшчыны^[1].

Рэдактар-выдавец — Міхась Казлоўскі.

З 2000 па 2008 год выйшла 13 нумароў. У 2012 годзе выйшаў 14-ы нумар^[2]. У 2013 годзе надрукаваны 15-ы нумар часопіса^[3].

На думку Аляксандра Пашкевіча, многія з матэрыялаў краязнаўчага часопіса можна таксама выкарыстоўваць у акадэмічнай навуцы^[4].

Зноскі

Літаратура

Казлоўскі М. «Куфэрак Віленшчыны» // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — С. 403. — 10 000 экз. — ISBN 985-11-0276-8.

Спасылкі

Сайт часопіса «Куфэрак Віленшчыны» (нявызн.). Архівавана з першакрыніцы 28 ліпеня 2007. Праверана 30 верасня 2021.
Куфэрак Віленшчыны (нявызн.). Kamunikat.org. Праверана 30 верасня 2021.

[1]

[2]

[3]

[4]