Краснасельская (станцыя метро)
«Краснасельская» — станцыя Сакольніцкай лініі Маскоўскага метрапалітэна. Размешчана паміж станцыямі «Сакольнікі» і «Камсамольская». Знаходзіцца на тэрыторыі Краснасельскага раёна Цэнтральнай адміністрацыйнай акругі Масквы.
«Краснасельская» | |
|---|---|
| Маскоўскі метрапалітэн | |
.jpg) | |
| Дата адкрыцця | 15 мая 1935 года |
| Праектная назва | Гаўрыкава вуліца |
| Раён | Краснасельскі |
| Акруга | ЦАА |
| Тып | Калонная двухпролётная мелкага залажэння |
| Глыбіня залажэння, м | 8 |
| Тып платформаў | астраўная |
| Форма платформаў | прамая |
| Архітэктары | Б. С. Віленскі, В. А. Яршоў, Ю. А. Сталяроў пры ўдзеле Л. А. Шагурынай (аб'ёмна-прасторавае рашэнне)[1] |
| Архітэктары вестыбюляў | Б. С. Віленскі, В. А. Яршоў[1] |
| Мастакі | Я. Д. Ромас[1] |
| Інжынеры-канструктары | В. І. Дзмітрыеў |
| Узведзена | Дыстанцыя № 3 (№ 4, назва змянялася) Масметрабуда (кіраўнік П. Н. Гураў) |
| Выхад да вуліц | Краснапрудная, Русакоўская, Ніжняя і Верхняя Краснасельская |
| Наземны транспарт | А: 40, 122; Тб: 14, 41; Тм: 7, 13, 37, 45, 50, Б[2] |
| Час адкрыцця | 5:35 |
| Час закрыцця | 1:00 |
| Код станцыі | 005 |
| Суседнія станцыі | Сакольнікі і Камсамольская |
 Медыяфайлы на Вікісховішчы | |
 | Культурная спадчына Расійскай Федэрацыі |
Гісторыя і паходжанне назвы
Замест люмінесцэнтных лямпаў на станцыі выкарыстоўваліся паўкруглыя столевыя свяцільні. Пакрыццё падлогі асфальтавае. Справа на шляхах — склад з вагонаў тыпу А.
Станцыя будавалася адкрытым метадам у сувязі са складанымі горна-геалагічнымі ўмовамі.
Станцыя адкрыта 15 мая 1935 года ў складзе першай пускавой пляцоўкі Маскоўскага метрапалітэна з 13 станцый — «Сакольнікі» — «Парк культуры» з адгалінаваннем «Ахотны рад» — «Смаленская». Названа па былой мясцовасці Краснае Сяло. Яно ўпершыню згадваецца з тэстаменту 1423 года як «сельцо оу города оу Москвы над Великим прудом». Пры Васілі Цёмным яно было ўладкавана і па маляўнічасці атрымала назву Краснае (прыгожае).
Праектная назва станцыі — «Гаўрыкава вуліца»[3] (паводле іншых дадзеных — «Гаўрыкава плошча»[1]).
Першапачаткова планавалася ўладкаваць два выхады са станцыі на Краснапруднай вуліцы — на рагу з Верхняй Краснасельскай вуліцай і з боку Гаўрыкавай вуліцы, на скрыжаванні з якой планавалі ўладкаваць плошчу з праектнай назвай «Гаўрыкава». Згодна Генеральнаму плану рэканструкцыі Масквы па Гаўрыкавай вуліцы павінна была прайсці новая магістраль — Новае Бульварнае кольца, аднак потым планы скарэктавалі і магістраль вырашылі пусціць па лініі Ніжняй і Верхняй Краснасельскіх вуліц. З прычыны гэтага рашэнны ад узвядзення другога павільёна на Гаўрыкавай вуліцы адмовіліся, а сама станцыя атрымала назву «Краснасельская»[1].
Вестыбюлі і перасадкі
Ёсць наземны вестыбюль з выхадам на Краснапрудную і Верхнюю Краснасельскую вуліцы. Меркавалася, што вестыбюль будзе першым паверхам жылога дома (так і не пабудаванага).
Праектам было агадана другі выхад — на Гаўрыкаву вуліцу, аднак з прычыны нізкай пасажыраплыні ён гэтак і не быў адкрыты (усходы бачны на станцыі).
«Краснасельская» — адна з нешматлікіх станцый, на наземным вестыбюлі якой захаваўся надпіс «МЕТРО»[4].
Зноскі
Спасылкі
- «Красносельская» на сайте metro.molot.ru Архівавана 22 студзеня 2012.
- «Красносельская» в программе «Подземка» на Радио801 Архівавана 6 студзеня 2014.