Кердык

Паводле «Англасаксонскай хроніцы», у 495 годзе ў Брытанію на пяці караблях прыплылі саксы на чале з Кердыкам і яго сына Кінрыкам. Яны разбілі брытаў пры Кердыкесары і замацаваліся на поўдні вострава. У 508 годзе Кердык атрымаў перамогу над каралём брытаў Натанлеодам паблізу яго горада, які стаў з таго часу называцца Кердыкесфард (сучасны Чарфард). У гэтай бітве загінула пяць тысяч брытаў. У 514 годзе на дапамогу Кердыку прыбылі пляменнікі Вітгар і Стуф. У 519 годзе саксы атрымалі яшчэ адну перамогу над брытамі пры Кердыкесфардзе і ўмацаваліся на поўдні Брытаніі. Гэты год лічыцца датай заснавання каралеўства заходніх саксаў, або Уэсекса. Кердык і Кінрык і далей працягвалі паспяхова ваяваць з брытамі. У 527 годзе яны атрымалі перамогу пры Кердыкеслі, а ў 530 годзе захапілі востраў Уайт.