Карал Сабіна

Карал Са́біна (чэшск.: Karel Sabina, псеўданімы Arian Želinský, Leo Blass, 29 снежня 1813, Прага — 7 лістапада 1877, Прага) — чэшскі грамадскі і палітычны дзеяч, пісьменнік і журналіст.

Карал Сабіна
чэшск.: Karel Sabina
Асабістыя звесткі
Псеўданімы	Arian Želinský[1], Leo Blass[1] і Robert Grün[1]
Дата нараджэння	29 снежня 1813(1813-12-29)[2][3][…]
Месца нараджэння	Прага, Каралеўства Багемія, Землі багемскай кароны, Аўстрыйская імперыя[3][4][…]
Дата смерці	9 лістапада 1877(1877-11-09)[3][4][…] (63 гады)
Месца смерці	Прага, Каралеўства Багемія, Цыслейтанія, Аўстра-Венгрыя[4][5]
Пахаванне	Ольшанскія могілкі[6]
Грамадзянства	Аўстрыйская імперыя  Багемія
Прафесійная дзейнасць
Род дзейнасці	пісьменнік, журналіст
Грамадская дзейнасць
Член у	Сербскае навуковае таварыства[d] (9 лістапада 1877) Repeal[d]
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

К. Сабіна вывучаў філасофію і права ў Пражскім і Венскім універсітэтах. У 1830-х гг. далучыўся да грамадска-палітычнай дзейнасці. Быў у ліку стваральнікаў у 1844 годзе тайнага гуртка «Чэшскі рыпіл», які выступаў за дэмакратычную рэспубліку. Падчас Рэвалюцыі 1848—1849 гг. у Чэхіі быў лідарам радыкальных дэмакратаў, рэдактарам газет і часопісаў, сябрам Сватавацлаўскага камітэта і яго ваеннай арганізацыі, саюза «Slovanská lípa». У час Пражскага паўстання змагаўся на барыкадах, быў арыштаваны да восені 1848 г. У 1849 годзе зноў арыштаваны і ў 1853 г. прыгавораны да пакарання смерцю, якое было зменена на 18 гадоў зняволення. Вызвалены з турмы ў 1857 г. па амністыі. У 1859—1872 гг. з'яўляўся інфарматарам аўстрыйскай паліцыі. У 1872 г. выкрыты і па рашэнню суда чэшскіх патрыётаў выгнаны з Чэхіі. Тайна вярнуўся ў Прагу і займаўся літаратурнай дзейнасцю.