Завідчыцкі сельсавет
Заві́дчыцкі сельсавет — былая адміністрацыйна-тэрытарыяльная адзінка ў складзе Пінскага раёна Брэсцкай вобласці. Цэнтр — вёска Завідчыцы.
Завідчыцкі сельсавет | |
---|---|
Краіна | Беларуская ССР |
Уваходзіў у | Пінскі раён |
Адміністрацыйны цэнтр | Завідчыцы |
Дата ўтварэння | 12 кастрычніка 1940, 17 красавіка 1959 |
Дата скасавання | 16 ліпеня 1954, 18 кастрычніка 1960 |
Утвораны 12 кастрычніка 1940 года ў складзе Жабчыцкага раёна Пінскай вобласці БССР. З 8 студзеня 1954 года ў складзе Брэсцкай вобласці. Скасаваны 16 ліпеня 1954 года, тэрыторыя сельсавета ўвайшла ў склад новаўтворанага Вулькаўскага сельсавета[1].
17 красавіка 1959 года цэнтр Вулькаўскага сельсавета Пінскага раёна перанесены ў вёску Завідчыцы, сельсавет перайменаваны ў Завідчыцкі, вёскі Вялікія Дзіковічы, Жыдча, Малая Вулька, Стайкі, Хойна перададзены ў склад Невельскага сельсавета[2]. 22 снежня 1959 года вёскі Вялікая Вулька, Жытнавічы і Ізін перададзены ў склад Малоткавіцкага сельсавета[3]. 18 кастрычніка 1960 года сельсавет скасаваны, тэрыторыя далучана да Плешчыцкага сельсавета[4].
Крыніцы
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.