Горад жанчын (часопіс)
«Горад жанчын» — беларускі штомесячны часопіс, выходзіць з 2015 года.
| «Горад жанчын» | |
|---|---|
| Тып | часопіс |
| Галоўны рэдактар | Аксінья Бяляўская |
| Заснавана | 18 сакавіка 2015 |
| Тэматыка | жаночы часопіс |
| Мова | руская, беларуская |
| Перыядычнасць | штомесячны |
| Тыраж | 16 000 |
| Вэб-сайт | gorodw.by |
Гісторыя
Першы нумар надрукаваны ў Мінску ў 2015 годзе як рэкламна-інфармацыйнае выданне тыражом 16 000 асобнікаў.[1][2][3] Да 2016 года часопіс выпускаў “Выдавецкі дом “Турынфо”, а пасля заснавальнікам і выдаўцом стала ТАА “Горад жанчын”. 22 чэрвеня 2016 года часопіс быў зарэгістраваны ў Міністэрстве інфармацыі Рэспублікі Беларусь. З моманту заснавання часопіса і па гэты час галоўным рэдактарам з’яўляецца Аксінья Бяляўская.[4][5]
У матэрыялах часопіса падтрымліваюцца напрамкі гендэрнай ідэнтычнасці, прысутнічаюць асноўныя тыпалагічныя і тэматычныя асаблівасці глянцу.[6] У структуру выдання ўваходзяць калонкі беларускіх аўтараў, інтэрв'ю з папулярнымі асобамі, а таксама артыкулы на тэму псіхалогіі, жаночага здароўя, моды і прыгажосці. Кожны матэрыял часопіса падмацаваны меркаваннем эксперта.[7]
У студзені 2021 года часопіс пачаў выдавацца ў digital-фармаце.[8] Да гэтага выданне было друкаваным і выходзіла ў фармаце А4, а з 2020 года – у А5. Часопіс распаўсюджваецца на ўсёй тэрыторыі Беларусі.