Генрых VI (пфальцграф Рэйнскі)
Генрых VI (II) Малодшы (ням.: Heinrich (VI.) II. der Jüngere von Braunschweig; каля 1196 — 16 ці 26 красавіка 1214) — пфальцграф Рэйнскі з 1212 года з роду Вельфаў.
| Генрых VI | ||||
|---|---|---|---|---|
| ||||
| Нараджэнне | 1195[1] ці 1196 | |||
| Смерць | красавік 1214[1] ці 1 мая 1214 | |||
| Месца пахавання | ||||
| Род | Вельфы | |||
| Бацька | Генрых V[2][3] | |||
| Маці | Агнэса Гогенштаўфен[d][2][3] | |||
| Жонка | Matilda of Brabant[d] і Matilda of Brabant[d][4] | |||
Біяграфія
Адзіны сын пфальцграфа Генрыха I (пам. 1227) і яго жонкі Агнесы фон Штаўфен. Выхоўваўся пры двары англійскага караля Іаана Беззямельнага, свайго стрыечнага дзеда. Вярнуўся ў Германію ў 1211/1212 годзе.
Стаў пфальцграфам Рэйнскім у 1212 годзе, калі яго бацька Генрых I па палітычных прычынах адмовіўся ад гэтага тытула на карысць сына. У палітычным плане Генрых Малодшы падтрымліваў спачатку свайго дзядзьку Атона Браўншвайгскага, але ў 1213 годзе перайшоў на бок Фрыдрыха II Штаўфена.
Генрых II быў у шлюбе (1212) з Мацільдай Брабанцкай (1200-1267), дачкой брабанцкага герцага Генрыха I. У сілу маленства жонкі дзяцей у гэтым шлюбе не было.
Генрых Малодшы памёр 16 ці 26 красавіка 1214 года і быў пахаваны ў манастыры Шонау (пад Гайдэльбергам).
Пасля яго смерці імператар Фрыдрых II перадаў пфальцграфства Рэйнскае герцагу Людвігу I Баварскаму як найбліжэйшаму сваяку (мужу сястры Генрыха II).
Мацільда Брабанцкая ў 1224 годзе выйшла замуж за Флорыса IV, графа Галандыі.
Зноскі
Літаратура
- Eduard Winkelmann. Heinrich V. (Pfalzgraf bei Rhein) // Allgemeine Deutsche Biographie (ADB). — Bd. 11. — Lpz.: Duncker & Humblot, 1880. — S. 559—561. (нем.)
- Peter Fuchs. Heinrich (V.) der Lange (Ältere) von Braunschweig // Neue Deutsche Biographie (NDB). Band 8. — Berlin: Duncker & Humblot, 1969. — P. 381—383.