Вітольд Лютаслаўскі
Вітольд Роман Лютаслаўскі (польск.: Witold Roman Lutosławski; 25 студзеня 1913, Варшава — 7 лютага 1994, Варшава) — польскі кампазітар, дырыжор. Член многіх музычных акадэмій, ганаровы доктар некалькіх універсітэтаў. Адзін з найбуйнейшых польскіх кампазітараў XX стагоддзя.
| Вітольд Лютаслаўскі | |
|---|---|
| польск.: Witold Lutosławski | |
 | |
| Асноўная інфармацыя | |
| Дата нараджэння | 25 студзеня 1913[1][2][…] |
| Месца нараджэння | |
| Дата смерці | 7 лютага 1994[1][2][…] (81 год) |
| Месца смерці | |
| Месца пахавання | |
| Краіна | |
| Альма-матар | |
| Музычная дзейнасць | |
| Педагог | Witold Maliszewski[d] |
| Прафесіі | кампазітар, дырыжор, музыказнавец, піяніст |
| Інструменты | скрыпка і фартэпіяна |
| Жанры | класічная музыка |
| Грамадская дзейнасць | |
| Член у | |
| Узнагароды |        прэмія Гердэра[d] (1967)  прэмія Леоні Сонінг[d] (1967) залаты медаль Каралеўскага філарманічнага таварыства[d] (1986)  прэмія Сібеліуса[d] (1973) прэмія Эрнста фон Сіменса[d] (1983) прэмія Гравемаера[d] (1985) Q126416258? (9 студзеня 1992) Honorary Member of the International Society for Contemporary Music[d] |
 Медыяфайлы на Вікісховішчы | |
Музычная творчасць
Скончыў Варшаўскую кансерваторыю па класе фартэпіяна (1936) і кампазіцыі (1937). У 1932—1955 гадах выступаў як піяніст, з 1935 года і дырыжор з выкананнем уласных твораў.
У 1940-я гады працаваў у кірунку, блізкім да неакласіцызму (1-я сімфонія, 1947), сінтэзаваў яго стылістычныя рысы з народным ладавым мысленнем («Сілезскі трыпціх», 1951; «Канцэрт для аркестра», 1954). З пачатку 1960-х гадоў выкарыстоўваў свабодна трактаваную 12-тонавую серыю («Жалобная музыка» памяці Б. Бартака, 1960), абмежаваную, ці кантраляваную, алеаторыку («Венецыянскія гульні», 1960; «З паэмы Анры Мішо», 1963; струнны квартэт, 1964; 2-я сімфонія, 1967; «Кніга для аркестра», 1968). Музыку 1970—80-х гадоў вызначаюць павелічэнне эмацыянальнага дыяпазону, жанравая канкрэтнасць (Канцэрт для габоя, арфы і 11 струнных, 1980; "Дыялог для скрыпкі з аркестрам «Chain II», 1985).
Грамадская дзейнасць
З 1959 года — віцэ-прэзідэнт Міжнароднага таварыства музычнага выхавання (ISME), у 1965—69 — Міжнароднага таварыства сучаснай музыкі.
Прэміі і ўзнагароды
Першыя прэміі Міжнароднай трыбуны кампазітараў ЮНЕСКА 1959, 1964, 1968, 1985, прэміі Міжнароднага музычнага савета пры ЮНЕСКА 1983, 1985. Дзяржаўныя прэміі Польшчы 1952, 1955, 1964, 1978.
Зноскі
Літаратура
- Лютаслаўскі Вітольд // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).