Віктар Анатольевіч Гайсёнак
Ві́ктар Анато́льевіч Гайсёнак (нар. 6 чэрвеня 1950, в. Гасцілавічы, Лагойскі раён, Мінская вобласць) — беларускі дзяржаўны дзеяч, дыпламат. Доктар фізіка-матэматычных навук (1990), прафесар. Акадэмік Беларускай інжынернай тэхналагічнай акадэміі і Міжнароднай акадэміі навук вышэйшай школы (1993).
Віктар Анатольевіч Гайсёнак | |||||||
---|---|---|---|---|---|---|---|
| |||||||
Прэзідэнт | Аляксандр Лукашэнка | ||||||
Кіраўнік урада | Сяргей Сідорскі Міхаіл Мясніковіч | ||||||
Папярэднік | Павел Латушка | ||||||
Пераемнік | Аляксандр Авяр'янаў | ||||||
| |||||||
Прэзідэнт | Аляксандр Лукашэнка | ||||||
Кіраўнік урада | Уладзімір Ярмошын Генадзь Навіцкі Сяргей Сідорскі | ||||||
Папярэднік | Валянцін Фісенка | ||||||
Пераемнік | Аляксандр Сычоў | ||||||
Нараджэнне | 6 чэрвеня 1950 (74 гады) | ||||||
Дзеці | дачка | ||||||
Партыя | |||||||
Адукацыя |
| ||||||
Навуковая ступень | доктар фізіка-матэматычных навук | ||||||
Навуковае званне | |||||||
Месца працы | |||||||
Узнагароды |
Біяграфія
Нарадзіўся 6 чэрвеня 1950 года ў в. Гасцілавічы Лагойскага раёна Мінскай вобласці.
Скончыў Беларускі дзяржаўны ўніверсітэт (1972). Вучань А. М. Саржэўскага. Працаваў у БДУ — асістэнт кафедры, ад 1986 года — дэкан фізічнага факультэта, загадчык кафедры методыкі выкладання фізікі і інфарматыкі, навуковы кіраўнік міжкафедральнага аддзялення апрацоўкі інфармацыі фізфака БДУ. У 1977 годзе абараніў кандыдацкую дысертацыю ў галіне фізіка-матэматычных навук на тэму «Даследаванне ўплыву эфекту нелінейнасці на спектральна-люмінесцэнтныя характарыстыкі складаных малекул». У 1988—1990 гг. — сакратар парткама БДУ. У 1990 годзе абараніў доктарскую дысертацыю ў галіне фізіка-матэматычных навук на тэму «Анізатрапія паглынання і выпрамянення святла і працэсы арыентацыйнай рэлаксацыі складаных малекул у растворах».
З 16 студзеня 1992 да 1994 — міністр адукацыі.
З 1994 г. па 19 мая 2000 г. — рэктар Рэспубліканскага інстытута вышэйшай школы.
З 1997 па 2000 год — старшыня Дзяржаўнага камітэта па навуцы і тэхналогіям Рэспублікі Беларусь.
19 мая 2000 г. указам прэзідэнта № 275 прызначаны Надзвычайным і Паўнамоцным Паслом Рэспублікі Беларусь у Аўстрыйскай Рэспубліцы і сталым прадстаўніком Рэспублікі Беларусь пры міжнародных арганізацыях у Вене, прысвоены дыпламатычны ранг Надзвычайнага і Паўнамоцнага Пасла першага класу[1]. 11 ліпеня 2000 г. уручыў даверчыя граматы генеральнаму дырэктару ЮНІДО.
З сакавіка 2005 года — намеснік міністра замежных спраў Рэспублікі Беларусь.
З 31 кастрычніка 2008 года да 11 лютага 2014 — Надзвычайны і Паўнамоцны пасол Рэспублікі Беларусь у Рэспубліцы Польшча[2], даверчыя граматы ўручыў 16 студзеня 2009 года[3].
Навуковая дзейнасць
Аўтар больш за 100 навуковых прац па фізіцы лазернага выпраменьвання, спектраскапіі і люмінесцэнцыі складаных малекул, нелінейнай оптыцы.
Узнагароды
- Дзяржаўная прэмія Рэспублікі Беларусь у галіне навукі і тэхнікі (1994, у суаўтарстве) — за цыкл прац «Флуктуацыі мікраструктуры і фотафізіка раствораў складаных арганічных злучэнняў».
- медаль Францыска Скарыны (2021)[4].
- Ганаровая грамата Савета Міністраў Рэспублікі Беларусь (2006)[5].
Сям’я
Жанаты, мае дачку.
Зноскі
Літаратура
- Гайсёнак Віктар Анатольевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 202. — 800 с. — 5 000 экз. — ISBN 985-11-0026-9.
Спасылкі
- Профіль на праекце «Хто ёсць хто ў РБ» Архівавана 16 лістапада 2011. (руск.)
- Мінько А. Фарміраванне школы фізічнай оптыкі ў БДУ. Да 115-годдзя з дня нараджэння акадэміка А. Н. Сеўчанкі Архівавана 12 жніўня 2021. // Газета БДУ «Універсітэт»
- Гайсёнак Віктар Анатольевіч на сайце анлайн-энцыклапедыі «Беларусь у асобах і падзеях»