Венсенскі лес

Венсенскі лес (фр.: Bois de Vincennes) — парк плошчай 995 га ў 12-й акрузе на ўсходзе Парыжа. Гэта самы буйны зялёны масіў у Парыжы, адно з двух так званых «лёгкіх» Парыжа (другое — Булонскі лес).

Першапачаткова — месца палявання французскіх каралёў. Пасля Вялікай французскай рэвалюцыі ператвораны ў ваенны палігон. Пры Напалеоне III у час Вялікай перабудовы Парыжа лес становіцца сапраўдным паркам. Вялікая колькасць спаборніцтваў Летніх Алімпійскіх гульняў 1900 прайшла ў Венсенскім лесе.