Велікашылавіцкі сельсавет

Утвораны 6 жніўня 1979 года ў Слонімскім раёне Гродзенскай вобласці БССР з цэнтрам у вёсцы Вялікія Шылавічы ў складзе 5 населеных пунктаў (вёскі Вялікія Шылавічы, Новая Стража, Савічы і Чапялева, якія ўваходзілі ў склад Жыровіцкага сельсавета, і вёска Якімавічы, якая ўваходзіла ў склад Слонімскага сельсавета)^[2]. 16 сакавіка 1987 года ў склад сельсавета з Жыровіцкага сельсавета перададзена вёска Шылавічы^[3]. Скасаваны 28 жніўня 2013 года, тэрыторыя далучана да Дзеравянчыцкага сельсавета^[1].

У склад сельсавета ўваходзілі 6 вёсак — Вялікія Шылавічы (цэнтр сельсавета), Чапялева, Савічы, Шылавічы (спіртзавод), Якімавічы і Новая Стража.

Насельніцтва сельсавета паводле перапісу 2009 года складала 1211 чалавек^[4], з іх 95,5 % — беларусы, 2,7 % — рускія, 1,3 % — украінцы^[5].

Падчас існавання на тэрыторыі сельсавета знаходзіліся:

• Дом культуры
• Два ФАПы
• Велікашылавіцкая сярэдняя школа
• Дашкольная ўстанова яслі-дзіцячы садок
• Раённая турысцкая база
• 5 крам
• Паштовае аддзяленне
• Вясковая бібліятэка і інш.

Геалагічны помнік каля в. Якімавічы — вялізны камень, які складаецца з двух злучаных паміж сабою валуноў. Даўжыня камня — 3,5 м, шырыня — 3 м, вышыня — каля 3,5 м.

• в. Шылавічы: спіртавы завод Пуслоўскіх (пачатак XX стагоддзя)
• в. Вялікія Шылавічы: царква Казанскай іконы Маці Божай (першая палова XIX стагоддзя)

• Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

• в. Шылавічы на globustut.by(недаступная спасылка)
• в. Вялікія Шылавічы на globustut.by(недаступная спасылка)