Алёсаўскі сельсавет
Алё́саўскі сельсавет — былая адміністрацыйна-тэрытарыяльная адзінка ў складзе Полацкага раёна Віцебскай вобласці. Цэнтр — вёска Алёсы.
| Алёсаўскі сельсавет | |
|---|---|
| Краіна |  Беларуская ССР |
| Уваходзіў у | Полацкі раён |
| Адміністрацыйны цэнтр | Алёсы |
| Дата ўтварэння | 20 жніўня 1924 |
| Дата скасавання | 16 ліпеня 1954 |
Утвораны 20 жніўня 1924 года ў складзе Дрэтунскага раёна Полацкай акругі БССР. З 3 ліпеня 1925 года ў складзе Краснапольскага, з 4 жніўня 1927 года ў складзе Полацкага раёнаў Полацкай акругі. Пасля скасавання акруговай сістэмы 26 ліпеня 1930 года ў Полацкім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці. 17 лістапада 1948 года да сельсавета далучана большая частка скасаванага Васільеўскага сельсавета[1]. З 8 студзеня 1954 года сельсавет у Полацкім раёне Віцебскай вобласці. 16 ліпеня 1954 года скасаваны, тэрыторыя далучана да Маласітнянскага сельсавета[2].
Крыніцы
Літаратура
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.