Акваланг

Акваланг (лац.: aqua — вада, англ.: lung — лёгкае^[1]) — апарат для дыхання чалавека пад вадой.

Вынайдзены Жакам Івам Кусто і Эмілем Ганьянам у 1943 годзе. Складаецца з балонаў са сціснутым паветрам (да 200 атмасфер), аўтамата, што рэгулюе выдыханне і паступленне паветра адпаведна ціску навакольнага асяроддзя, і іншых элементаў. У комплексе з маскай, гідракамбінезонам, ластамі выкарыстоўваецца ў падводным спорце і паляванні, у даследаваннях, выратавальнай службе.