УУС Берасьцейскага аблвыканкаму
Управа ўнутраных справаў Берасьцейскага аблвыканкаму — управа Міністэрства ўнутраных справаў Беларусі па Берасьцейскай вобласьці. Разьмешчаная ў Берасьці.
| УУС Берасьцейскага аблвыканкаму | |
| Месцазнаходжаньне | 224000, г. Берасьце, вул. Камуністычная, 28, Беларусь |
|---|---|
| Сяброўства | Міністэрства ўнутраных справаў Беларусі |
| Начальнік | Алег Шулякоўскі |
| Матчына кампанія | Берасьцейскі аблвыканкам |
Мае ў падпарадкаваньні раённыя і мескія аддзелы ўнутраных спраў Берасьцейскае вобласьці. Начальнік УЎС прызначаецца міністрам унутраных справаў. Начальнік УЎС мае званьне генерал-маёр міліцыі.
Сьпіс РАУС
Сьпіс дзейных РАУС[1]:
- Ленінскі раённы аддзел унутраных спраў м. Берасьце
- Маскоўскі раённы аддзел унутраных спраў м. Берасьце
- Берасьцейскі аддзел унутраных спраў на транспарце
- Берасьцейскі раённы аддзел унутраных спраў
- Бярозаўскі раённы аддзел унутраных спраў
- Кобрынскі раённы аддзел унутраных спраў
- Жабінкаўскі раённы аддзел унутраных спраў
- Камянецкі раённы аддзел унутраных спраў
- Маларыцкі раённы аддзел унутраных спраў
- Пружанскі раённы аддзел унутраных спраў
- Янаўскі раённы аддзел унутраных спраў
- Дарагічынскі раённы аддзел унутраных спраў
- Пінскі гарадзкі аддзел унутраных спраў
- Пінскі раённы аддзел унутраных спраў
- Івацэвіцкі раённы аддзел унутраных спраў
- Баранавіцкі аддзел унутраных спраў на транспарце
- Баранавіцкі гарадзкі аддзел унутраных спраў
- Баранавіцкі раённы аддзел унутраных спраў
- Столінскі раённы аддзел унутраных спраў
- Ганцавіцкі раённы аддзел унутраных спраў
- Лунінецкі раённы аддзел унутраных спраў
- Ляхавіцкі раённы аддзел унутраных спраў
Кіраўнікі
Санкцыі ЭЗ, ЗША й іншых краінаў
2 кастрычніка 2020 году кіраўнік Управы генерал-маёр міліцыі Аляксандар Астрэйка быў унесены ў Чорны сьпіс Эўразьвязу як адказны, паводле рашэньня Эўрапейскае рады(be), за кампанію рэпрэсіяў і запалохваньня супраць мірных дэманстрантаў на Беарасьцейшчыне ў сувязі з прэзыдэнкімі выбарамі 2020 году: адвольныя арышты, празмернае ўжываньне сілы й жорсткае абыходжаньне, у тым ліку катаваньні. У той жа дзень у сьпіс быў унесены тагачасны намеснік гомельскай Управы (пазьней узначаліў берасьцейскую) Алег Шулякоўскі[4]. Акрамя таго, Астрэйку й Шулякоўскага ў свае санкцыйныя сьпісы ўключылі Канада[5], Вялікабрытанія[6], Швайцарыя[7][8]. 20 лістапада да кастрычніцкіх санкцыяў ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя й Украіна[9].
21 чэрвеня 2021 году Ўправа й яе былы кіраўнік Астрэйка былі ўнесеныя ў сьпіс спэцыяльна вызначаных грамадзянаў і заблякаваных асобаў ЗША як адказныя за жорсткія разгоны ўдзельнікаў мірных акцый пратэсту ў Берасьці: гвалт у дачыненьні да мірных пратэстоўцаў і затрыманых журналістаў, якія спрабавалі асьвятляць пратэсты[10][11][12].