Сьцяг Грузінскай ССР
Сьцяг Грузінскай ССР — рэспубліканскі сымбаль Грузінскай ССР. Сьцяг быў зацьверджаны 11 красавіка 1951 году. Сьцяг праіснаваў да выхаду Грузінскай ССР са складу СССР. Суадносіны бакоў сьцягу 1:2. Апісаньне сьцягу: «чырвонае палотнішча з блакітным квадратам у тронка, усярэдзіне квадрату адлюстроўваліся чырвоныя серп, молат і зорка на фоне сонечнай кружэлкі з 24 разьбежнымі прамянямі. Ад квадрату адыходзіла блакітная гарызантальная паласа шырынёй у 1/6 шырыні сьцягу».
![](http://upload.wikimedia.org/wikipedia/commons/thumb/e/ed/Flag_of_the_Georgian_Soviet_Socialist_Republic_%281951%E2%80%931990%29.svg/300px-Flag_of_the_Georgian_Soviet_Socialist_Republic_%281951%E2%80%931990%29.svg.png)
Да гэтага ўжываўся сьцяг з чырвоным палотнішчам, на якім у левым верхнім куце было напісана залатымі грузінскімі літарамі სსსრ (што азначае ГССР).
З 1937 да пачатку 1940-х ужываўся чырвоны сьцяг з надпісам у левым верхнім куце залатымі грузінскімі літарамі საქართველოს სსრ (Sakartvelos SSR), а з 1922 па 1937 год у гэтым жа месцы на сьцягу было напісана ССРГ.