Станіслаў Хадэцкі
Станіслаў Хадэцкі з Ходэчу, гербу Агоньчык[2] († 1529) — гетман польны каронны (1492—1499) і (1501—1505)[3], маршалак вялікі каронны (1501—1529), кашталян львоўскі (1495—1505), староста камянецкі (1495—1510), староста львоўскі (1501—1529), староста церабаўлянскі (1502—1506), староста лубачоўскі (1503-1529), староста галіцкі (1488—1502).
 | |
| Асабістыя зьвесткі | |
|---|---|
| Нарадзіўся | XV стагодзьдзе |
| Памёр | 30 красавіка 1529[1]
|
| Род | Хадэцкія[d] |
| Бацькі | Станіслаў Хадэцкі[d] |
| Дзейнасьць | дыплямат |
Заняў пасаду камандуючага войскамі на Русі ў 1492 і Падольле ў 1494. Быў камандзірам абароны паточнай[4] у пэрыяд 1492-1499, 1501—1505[5]. Быў сьведка прыняцьця пётркувскага прывілею 1496 году[6].
Браў удзел у малдаўскай выправе караля Яна Ольбрахта. У 1498 годзе бараніў раку Сян ад татараў. 13 красавіка 1501 стаў генэральным старостам Русі і старостам львоўскім.
6 траўня 1499 у Кракаве браў удзел у падпісаньні Кракаўска-Віленскай уніі[7]. Браў удзел у падпісаньні так званай радамскай канстытуцыі Nihil novi на сойме ў 1505[8].
У 1506 становіцца маршалкам вялікім каронным. Падпісаў дыплём аб абраньні Жыгімонта Старога каралём Рэчы Паспалітай і вялікім князем літоўскім[9] на сойме ў Пётркуве ў 8 сьнежня 1506[10]. У 1509 бараніў Камяняц-Падольскі і Галіч ад малдоўскіх войскаў. У 1510 прымае ўдзел у перамовах з малдоўскім гаспадаром Богданам III[11], вынікам якіх стала дамова аб міры. У 1512 годзе ўдзельнічае ў бітве пад Вішняўцом. Пасьля Венскага кангрэсу становіцца на бок Габсбургаў. У 1518 кіраваў урачыстай каранацыяй каралевы Боны. У тым жа годзе пацярпеў сакрушальную паразу ў бітве пад Сокалем. За часамі прускай вайны ў 1520 годзе дастаўляў у Вялікую Польшчу прадукты харчаваньня з Русі. Быў падпісантам Кракаўскага міру ў 1525 годзе[12].