Славія Прага
«Сла́вія» (па-чэску: Slavia) — чэскі футбольны клюб з гораду Прагі. Заснаваны ў 1892 годзе. Сяміразовы чэмпіён Чэхіі (1996, 2008, 2009, 2017, 2018, 2019, 2020, 2021), сяміразовы ўладальнік Кубка Чэхіі (1997, 1999, 2002, 2018, 2019, 2021, 2023).
| Славія Прага | |
 | |
| Поўная назва | Sportovní klub Slavia Praha |
|---|---|
| Заснаваны | 2 лістапада 1892 |
| Горад | Прага, Чэхія |
| Стадыён | Эдэн Арэна Умяшчальнасьць: 20 800 |
| Прэзыдэнт | Яраслаў Тврдык[d][1] |
| Кіраўнік | CITIC Europe Holdings[d][2] |
| Галоўны трэнэр | |
| Чэмпіянат | Першая ліга |
| · 2023—2024 | 2 месца |
 Галерэя здымкаў у Вікісховішчыslavia.cz (чэс.) (анг.) | |
Заўзятары і суперніцтва
Галоўнымі гістарычнымі супернікамі «Славіі» ёсьць клюб «Спарта». Матчы паміж клюбамі маюць назву Праскае дэрбі. Таксама маецца дэрбі акругі Вэршовіцы з клюбам «Багеміянс-1905». Стадыёны абодвух клюбаў месьцяцца блізу аднаго кілямэтру адзін ад аднаго[3].
«Славія» памылкова лічыцца габрэйскім клюбам прыхільнікамі іншых клюбаў, асабліва заўзятарамі «Спарты». Праз гэта да гульцоў часта існуе антысэміцкае стаўленьне з боку спартанцаў. Між тым, клюб ані быў закладзены габрэямі, ані мае гісторыі зьвязанай з габрэямі. Футбольны гісторык Уладзімер Запатоцкі мае меркаваньне, што такое атаясамленьне з габрэямі зьвязанае з тым, што нацысты закрылі клюб за часам акупацыі, як гэта было зь іншым клюбам ДФК. Аркамя таго, існуе меркаваньне, што сувязь з габрэйствам паходзіць ад таварыскага матчу супраць ангельскага «Ўэст Гэм Юнайтэд» у 1922 годзе, калі «Славія» застрахала матч ад неспрыяльных умоваў надвор’я, і матч пазьней быў адменены праз дождж. Матч усё ж такі адбыўся на наступны дзень, але «Славія» спагнала свае грошы з страхавой кампаніі. Праз тыдзень у матчы Праскага дэрбі, «Славію» сустрэлі на поле заўзятары «Спарты» воклічам «Вы — жыды»[4].
На сёньня аматары «Славія» маюць добрыя стасункі з заўзятарамі спліцкага «Хайдука».
Склад
- Актуальны на 11 лютага 2024 году
|
|
