Райфл

Райфл — горад і муніцыпалітэт у графстве Гарфілд штату Каларада (Злучаныя Штаты Амэрыкі). Ягонае насельніцтва паводле зьвестак перапісу 2010 году складае 9172 жыхары. У перакладзе з ангельскай слова Райфл азначае «стрэльба». Горад быў названы па назьве мясцовай крыніцы Райфл-крык, якая, у сваю чаргу, атрымала назву з той нагоды, што, паводле мясцовай легенды, адзін паляўнічы, што паляваў у гэтых мясьцінах у канцы XIX стагодзьдзя, забыўся на беразе гэтай крыніцы сваю стрэльбу^[2].

Райфл
анг. Rifle
Разьмяшчэньне ў графстве і штаце
Дата заснаваньня:	1882
Горад з:	18 жніўня 1905 (118 гадоў таму)
Краіна:	ЗША
Штат:	Каларада
Графства:	Гарфілд
Мэр:	Рэндзі Ўінклер
Плошча:	11,2 км²
Вышыня:	1630 м н. у. м.
Насельніцтва
колькасьць:	9172 чал. (2010)[1]
шчыльнасьць:	818,93 чал./км² (2010)
этнічны склад:	92% белых (2000)
Часавы пас:	UTC-7
летні час:	UTC-6
Тэлефонны код:	+1-970
Паштовы індэкс:	81650
ФСАЗ:	08-64255
Геаграфічныя каардынаты:	39°32′12.8″ пн. ш. 107°46′58.8″ з. д. / 39.536889° пн. ш. 107.783° з. д. / 39.536889; -107.783 107°46′58.8″ з. д. / 39.536889° пн. ш. 107.783° з. д. / 39.536889; -107.783
Райфл на мапе ЗША ± Райфл Райфл
Галерэя здымкаў у Вікісховішчы
www.rifleco.org

Райфл зьяўляецца рэгіянальным цэнтрам буйной жывёлагадоўлі і знаходзіцца побач зь міжштатным гайвэем I-70 абапал ракі Каларада ў тым месцы, дзе ў яе ўпадае Райфл-крык. Горад быў заснаваны ў 1882 годзе^[3] Абрамам Максьфілдам, атрымаў гарадзкія правы ў 1904 годзе. У горадзе месьціцца муніцыпальны аэрапорт Райфл, які абслугоўвае мясцовыя і рэгіянальныя авіялініі.

За 12 міляў ад гораду месьціцца Горны Парк Райфл, які належыць і адмініструецца гарадзкімі ўладамі. Ён вядомы сваімі трасамі для ўзлазаньня на адхільныя скалы.

Улетку 2014 году ў гэтым горадзе адбыліся выступленьні ў абарону права на адкрытае нашэньне зброі, якое ў штаце Каларада зьяўляецца канстытуцыйным і абмежаванае толькі ў Дэнвэры.