Наталі Касьцюшка-Марызэ

	Наталі Касьцюшка-Марызэ
Міністарка экалёгіі, ураўнаважанага разьвіцьця, транспарту і жыхарства Францыі
	14 лістапада 2010 — 22 лютага 2012
Папярэднік:	Жан-Люі Барляо
Асабістыя зьвесткі
Нарадзілася:	14 траўня 1973 (51 год); Парыж
Партыя:	Унія за народны рух
Сужэнец:	Jean-Pierre Philippe[d]
Бацька:	Франсуа Касьцюшка-Марызэ[d]
Адукацыя:	Політэхнічная школа (Парыж)[d]; Ліцэй Людовіка Вялікага[d]; Ліцэй Жана П’ера Вэрнана[d];
Узнагароды:	Prix de l'appel du 18 Juin[d] (2011) Young Leader of the French American Foundation[d] (2005)
	Наталі Касьцюшка-Марызэ ў Вікісховішчы

Вікіпэдыя мае артыкулы пра іншых асобаў з прозьвішчам Касьцюшка.

Наталі́ Жэнэвіе́ва Мары́я Касьцю́шка-Марызэ́ (па-француску: Nathalie Geneviève Marie Kosciusko-Morizet; нарадзілася 14 траўня 1973 году, Парыж) — француская палітык, парлямэнтарыстка, былая міністарка ва ўрадзе Франсуа Фіёна (2010—2012).

Жыцьцяпіс

Паходзіць зь беларускага роду сям’і Касьцюшкаў, ейны далёкі продак быў братам Тадэвуша Касьцюшкі^[2].

Па адукацыі біёляг, скончыла Політэхнічную школу ў Парыжы, навучалася таксама ў Нацыянальнай школе лясных і водных інжынэраў.

З другой паловы 90-х была блізкай супрацоўніцай Жака Шырака, належала да Аб’яднаньня ў падтрымку Рэспублікі. У 2002 атрымала дэпутацкі мандат у Нацыянальную асамблею як намесьніца пасла П’ера-Андрэ Вільцэра. У 2004 абраная ў раду рэгіёну Іль-дэ-Франс. У 2007 вылучалася як прадстаўніца Уніі за народны рух, у другім туры перамогшы прадстаўніка сацыялістаў. У партыі прадстаўляе г. зв. блакітна-зялёных, якія складаюць экалягічную фракцыю.

У чэрвені 2007 заняла пасаду дзяржаўнага сакратара дэпартамэнту экалёгіі ва ўрадзе Франсуа Фіёна, на чале якога стаяў Жан-Люі Барляо. У сакавіку 2008 перамагла ў выбарах на пасаду мэра Лянжумо. У студзені 2009 была пераведзеная на пасаду дзяржаўнага сакратара дэпартамэнту плянаваньня і разьвіцьця лічбавай гаспадаркі, непасрэдна падпарадкаваную прэм’еру. У лістападзе 2010 у трэцім кабінэце таго самага прэм’ера стала міністаркай экалёгіі, ураўнаважанага разьвіцьця, транспарту і жыхарства Францыі^[3].

22 лютага 2012 пакінула пасаду ў сувязі зь пераходам у выбарчы клюб Нікаля Сарказі ў часе прэзыдэнцкае кампаніі^[4]. На парлямэнцкіх выбарах была пераабраная^[5].

Крыніцы

Вонкавыя спасылкі

Біяграфія (фр.)
Нацыянальная асамблея XIII скліканьня (фр.)

[1]

[2]

[3]

[4]

[5]