Мюнстэр (Вэстфалія)

	Мюнстэр
	ням. Münster
Герб Мюнстэру	Сьцяг Мюнстэру
Краіна:	Нямеччына
Зямля:	Паўночны Райн — Вэстфалія
Обэрбургамістар:	Маркус Левэ[d]
Плошча:	302,96 км²
Вышыня:	60 м н. у. м.
Насельніцтва (2011)
колькасьць:	291 754 чал.
шчыльнасьць:	963,01 чал./км²
Часавы пас:	UTC+1
летні час:	UTC+2
Тэлефонны код:	0251
Паштовы індэкс:	48143–48167
Нумарны знак:	MS
Геаграфічныя каардынаты:	51°57′45″ пн. ш. 7°37′32″ у. д. / 51.9625° пн. ш. 7.62556° у. д. 7°37′32″ у. д. / 51.9625° пн. ш. 7.62556° у. д.
	Мюнстэр на мапе Нямеччыны Мюнстэр
	Галерэя здымкаў у Вікісховішчы
	www.muenster.de

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мюнстэр (неадназначнасьць).

Мюнстэр (па-нямецку: Münster (Westfalen)) — горад на захадзе Нямеччыны, у зямлі Паўночны Райн — Вэстфалія. Насельніцтва на 31 сьнежня 2011 году — 291 754 чалавекі. Буйны ўнівэрсытэцкі цэнтар, месцазнаходжаньне шэрагу важных судовых і адміністрацыйных установаў зямлі Паўночны Райн — Вэстфалія.

Гісторыя

У VI стагодзьдзі на месцы сучаснага Саборнага пляцу існавала саксонскае паселішча Мімігернафорд. У 793 годзе фрыскі місіянэр Людгер заснаваў тут кляштар (па-лацінску: monasterium). Узьнікшы вакол яго горад атрымаў назву Мюнстэр, а Людгер стаў у 805 годзе першым Мюнстэрскім біскупам.

У 1170 годзе Мюнстэр атрымаў гарадзкія прывілеі. У 1358—1454 гадах у складзе Ганзы і мае важнае значэньне ў Вэстфаліі, аб чым сьведчыць, між іншым, гістарычная забудова пляцу Prinzipalmarkt (даслоўна «Галоўны рынак»). У 1648 годзе ў каталіцкім Мюнстэры і ў суседнім зь ім пратэстанцкім Аснабруку быў падпісаны Вэстфальскі мір, паклаўшы канец Трыццацігадовае вайне. У 1815—1945 гадах — сталіца прускай правінцыі Вэстфалія. Значна пацярпеў ад бамбаваньня ў час Другой сусьветнай вайны.