Мэц (футбольны клюб)

Футбольны клюб «Мэц» быў заснаваны ў 1932 годзе ў выніку аб’яднаньня двух аматарскіх спартовых клюбаў і неўзабаве пасьля гэтага набыў прафэсійны статус. Ён зьяўляецца адным з найстарэйшых прафэсійных футбольных камандаў у Францыі. Карані клюбу сыходзяць яшчэ далей, у іншы клюб «Мэц» (ням. SpVgg Metz), які быў утвораны ў 1905 годзе, калі горад уваходзіў у склад Нямецкай імпэрыі. Той «Мэц» гуляў у Вэсткрайс-Лізе да сэзону 1913—1914 гадоў, калі за пачатку Першай сусьветнай вайны ўсе матчы былі спынены. Некаторыя гульцы гэтага клюбу былі часткай клюбу «Мэсын» у 1919 годзе, які ў 1932 годзе стаў часткай аб’яднанай каманды «Мэц». «Мэсын» быў вядучым клюбам Лятаранскага дывізіёну, атрымаўшы чэмпіёнскія тытулы ў 1920, 1921, 1922, 1924, 1926, 1927, 1929 і 1931 гадах^[2].

Клюб «Мэц» пачаў выступы ў францускім другім дывізіёне ў паўночнай зоне ў 1933 годзе. Стаўшы чэмпіёнам гэтай лігі ў 1935 годзе, клюб зарабіў прасоўваньне ў Лігу 1 у першы раз у гісторыі. Каманда стала клюбам сярэдзіны табліцы францускага чэмпіянату і знаходзілася ў гэтым статусе да пачатку Другой сусьветнай вайны. Падчас вайны дэпартамэнт Мозэль, у якім знаходзіцца горад Мэц, быў анэксаваны Нямеччынай. Клюб зьмяніў назоў на нямецкі варыянт FV Metz і пачаў выступы ў нямецкай Гаўлізе Вэстмарк. У трох завершаных сэзонах гэтай лігі з 1941 па 1944 гады клюб кожны год займаў выніковае другое месца^[3].

Не зважаючы на тое, што горад быўшы адбіты войскам хаўрусьнікаў увосень 1944 году, клюб ня браў удзелу ў францускім чэмпіянаце сэзону 1944—1945 гадоў, але вярнуўся да ўдзелу ў Лізе 1 на сэзон 1945—1946 гадоў. Сэзон для клюбу выйшаў няўдалым, бо каманда заняла 17-ы радок з 18 клюбаў, аднак, пашырэньне лігі да 20 клюбаў дало магчымасьць застацца «Мэцу» ў найвышэйшым дывізіёне да 1950 году, калі каманда заняла апошняе месца.

Актуальны на 24 лютага 2024 году

№ Пазыцыя Імя Год нараджэньня 1 Бр Гіём Дытш 2001 2 Аб Максім Кален 1991 3 Аб Мат’ё Юдоль (капітан) 1996 5 Аб Фалі Кандэ 1998 6 ПА Кевін Н’Дарам 1996 7 Нап Папа Амаду Дыяльлё 2004 8 Аб Ісмаэль Траарэ 1986 10 Нап Жорж Мікаўтадзэ (ар. Аякс) 2000 11 Нап Дыд’е Зэ (ар. Хатайспор) 1996 12 ПА Варэн Чымбэмбэ 1998 14 Нап Шэйк Сабалі 1999 15 Аб Абу Лё 2000 16 Бр Аляксандар Укіджа 1988 17 Нап Бэнджамін Тэтэ 1997

№ Пазыцыя Імя Год нараджэньня 18 ПА Лямін Камара 2004 22 Аб Кевін Ван Дэн Керкгоф 1996 25 ПА Арцюр Ата 2003 26 Нап Малік Мбай 2004 27 ПА Данлі Жан-Жак 2000 29 Аб Крыстоф Эрэй 1992 30 Бр Марк-Арэль Каяр 1994 34 ПА Жазэф Н’Дзюкідзі 2004 36 Нап Эблі Джэлаў 1998 37 Нап Ібу Санэ 2005 38 Аб Садыбу Санэ 2004 39 Аб Кафі Куао 1998 99 Нап Юэль Асора 1999 — Нап Майдын Дуан 2002

• Афіцыйны сайт