Лякаматыў Масква

Афіцыйная дата заснаваньня клюбу пад сучаснай назвай «Лякаматыў» ёсьць 12 студзеня 1936 году. Аднак на афіцыйным сайце клюбу пазначана, што папярэднікамі «Лякаматыва» былі чыгуначныя клюбы «Казанка», які зьявіўся ў 1923 годзе; Клюб Кастрычніцкай рэвалюцыі (ККР), які выступаў у 1924—1930 гадох; і зноў «Казанка», які гуляў у 1931—1935 гадох. У адпаведнасьці з гэтым, датай заснаваньня клюбу можа таксама лічыцца 12 жніўня 1923 году. У кнізе Савіна «Масква футбольная» са спасылкай на футбольны каляндар-даведнік Масквы 1922 году прыводзіцца інфармацыя аб складах груп «Б» і «В» чэмпіянату сталіцы, дзе можна знайсьці першыя згадваньні аб камандзе працоўных чыгуначнага дэпо Масква-пасажырская Казанскай чыгункі пад назвай «Гурток футбалістаў Казанскай дарогі» (скарочана «Казанка»), якая зьявілася ў 1922 годзе^[1]. Фактычна ў асяродзьдзі заўзятараў «Лякаматыва» кожны год двойчы адзначаюць дзень нараджэньня каманды, паколькі 12 жніўня знаходзіцца па тэрмінах побач з Днём чыгуначніка, які адзначаецца ў першую нядзелю жніўня^[2].

22 траўня 1936 году стаў днём нараджэньня чэмпіянатаў Савецкага Саюзу па футболе, адкрываў чэмпіянат матч паміж ленінградзкім «Дынама» й маскоўскім «Лякаматывам». Першы гол быў на рахунку гульца чыгуначнікаў Віктара Лаўрова, але пасьля ленінградзкая каманда забіла тры галы й перамагла ў матчы зь лікам 3:1. Той сэзон чыгуначнікі скончылі на пятым месцы, тады ж быў і першы заваяваны трафэй, ім стаў першы Кубак СССР у 1936 годзе. У фінале на стадыёне «Дынама» ў прысутнасьці 20 тысячаў гледачоў «Лякаматыў» абыграў тбіліскае «Дынама».

У канцы 1930-х гадоў за каманду гуляў Валянцін Гранаткін, які зрабіў выдатную кар’еру ў якасьці гульца й чыноўніка. З 1981 году па ініцыятыве прэзыдэнта ФІФА Жуана Авэланжа праводзіцца міжнародны турнір юнацкіх камандаў па футболе памяці першага віцэ-прэзыдэнта ФІФА Гранаткіна.

Актуальны на 24 лютага 2024 году

№ Пазыцыя Імя Год нараджэньня 1 Бр Гільермэ 1985 3 Аб Лукас Фасон 2001 4 Аб Станіслаў Магкееў 1999 5 Аб Жэрзыно Ньямсі 1997 6 ПА Дзьмітры Барынаў (капітан) 1996 7 Нап Арцём Дзюба 1988 8 Нап Уладзіслаў Сарвелі 1997 9 Нап Сяргей Піняеў 2004 11 ПА Антон Міранчук 1995 15 Нап Максім Глушанкоў 1999 17 ПА Рыфат Жамалетдынаў 1996 21 Аб Марыё Мітай 2003

№ Пазыцыя Імя Год нараджэньня 22 Бр Ільля Лантратаў 1995 23 ПА Міхаіл Шчацінін 2005 24 Аб Максім Ненахаў 1998 27 Нап Вадзім Ракаў 2005 45 Аб Аляксандар Сільянаў 2001 53 Бр Данііл Худзякоў 2004 71 Аб Наір Тыкнізян 1999 77 Аб Ільля Самошнікаў 1997 85 Аб Яўген Марозаў 2001 93 ПА Арцём Карпукас 2002 97 Нап Саід Гамуліч (ар. Тулюза) 2000 99 Нап Цімур Сулейманаў (ар. НН) 2000

• Афіцыйны сайт