Кольбэйн Сыгтарсан

Кольбэйн распачаў футбольную кар’еру ў «Вікінгуры», пазьней у 2003 годзе ва ўзросьце 13 гадоў перайшоў у табар клюбу «ГК», дзе дэбютаваў у 2006 годзе^[3]. Ён згуляў пяць матчаў за каманду й забіў адзін гол. Неўзабаве ён прыцягнуў увагу эўрапейскіх грандаў, як то «Рэалу» й «Арсэналу», двойчы ўступаў у перамовы з апошнім, але ўсё ж такі палічыў за лепшае нідэрляндзкі «АЗ»^[3][4].

5 жніўня 2010 году Кольбэйн дэбютаваў у Лізе Эўропы ў матчы супраць «Гётэборга»^[5]. Першы гол забіў 29 жніўня 2010 году ў рамках першынства Нідэрляндаў у браму ратэрдамскага «Эксэльсіёру», а 29 студзеня 2011 году й зусім забіў пяць мячоў, аформіўшы хет-трык у першым тайме матчу супраць «ВВВ-Вэнлё» і забіўшы яшчэ два ў другім^[6]. За гульцом сачылі дортмундзкая «Барусія», «Ньюкасл Юнайтэд» і амстэрдамскі «Аякс», і Сыгтарсан абраў апошні клюб^[7]. 4 ліпеня 2011 году клюбы дамовіліся аб кошце гульца ў 4,5 мільёну эўра.

Пасьля гульняў за юнацкія й моладзевую зборныя краіны Кольбэйн дэбютаваў за нацыянальную зборную Ісьляндыі ў таварыскім матчы супраць зборнай Фарэрскіх астравоў 21 сакавіка 2010 году, забіўшы другі гол у матчы, які скончыўся на карысьць ісьляндцаў зь лікам 2:0. Першы гол у афіцыйным спаборніцтве Кольбэйн забіў 6 верасьня 2011 на 5-й хвіліне адборачнага матчу чэмпіянату Эўропы-2012 у браму зборнай Кіпру. 6 лютага 2013 Кольбэйн у таварыскім матчы са зборнай Расеі гуляў з капітанскай павязкай. Пасьля гэтага быў віцэ-капітанам.

«Аякс»:

• Чэмпіён Нідэрляндаў: 2012, 2013, 2014
• Уладальнік Супэркубка Нідэрляндаў: 2013

• Профіль на афіцыйным сайце ФК «Аякс»
• Статыстыка на Voetbal International
• Профіль (анг.) на Soccerway
• Профіль (анг.) на National football teams