Апладненьне

Апладненьне — зьліцьцё мужчынскай і жаночай плоцевых вузаў (гамэтаў), што служыць сродкам плоцевага размнажэньня чалавека, жывёлаў і расьлінаў. Утварае зыготу, што дае пачатак новаму арганізму. Пры гэтым аднаўляецца дыплёідны набор храмасомаў, уласьцівы саматычным вузам арганізму, і перадаюцца спадчынныя прыкметы бацькоў. У чалавека і жывёлаў адбываецца ў выніку асемяненьня. У голанасенных і кветкавых расьлінаў — у выніку апыленьня. У кветкавых расьлінаў ажыцьцяўляецца двайное апладненьне.

Віды

Вонкавае. Плоцевыя вузы зьліваюцца па-за арганізмам. У большасьці жывёлаў, што жывуць у вадзе (іголкаваскурыя і мяккуны, шэраг земнаводных і рыбаў) з адкладаньнем у навакольным асяродзьдзі кнуры і яйцаклетак, дзе тыя зьліваюцца.
Унутранае. Адбываецца ўнутры плоцевых органаў асобіны (перакрыжаванае і самаапладненьне). Пераважна ў наземных жывёлаў з адмысловымі прыдаткавымі плоцевымі органамі для пераносу кнуры зь цела самцоў у цела саміцаў. У вышэйшых расьлінаў назіраецца аагамія. У ніжэйшых расьлінаў — таксама анізагамія, ізагамія і кан’югацыя^[1].

Крыніцы

Гэта — накід артыкула па біялёгіі. Вы можаце дапамагчы Вікіпэдыі, пашырыўшы яго.

[1]