Аляксей Сквярнюк

Пачынаў кар’еру ў менскай ««Зорцы»-ВА-БДУ. У 2004 годзе перайшоў самарскія «Крылы Саветаў», дзе пазьней замацаваўся ў асноўным складзе. У 2008 годзе трапіў у краснадарскую «Кубань», якой двойчы дапамог выйсьці ў вышэйшы дывізіён.

Улетку 2011 году перайшоў у «Спартак-Нальчык», але ня здолеў замацавацца ў клюбе і праз год пакінуў яго. У жніўні 2012 году падпісаў кантракт з мазырскай «Славіяй»^[3]. У лютым 2013 году зноўку адправіўся ў Расею, стаўшы гульцом «Уфы»^[4], але ўжо ў траўні пакінуў гэты клюб^[5].

У другой палове 2013 году падтрымліваў форму разам з «Гарадзеяй», але ня мог дапамагчы гэтай камандзе ў чэмпіянаце, бо лічыўся легіянэрам^[6][7]. У красавіку 2014 году падпісаў кантракт з «Смаргоньню»^[8], але ўжо ў чэрвені 2014 году пакінуў гэты клюб^[9]. У ліпені 2014 году, ня здолеўшы ўладкавацца ў іншых клюбах, зноўку вярнуўся ў «Смаргонь»^[10].

У лютым 2015 году трэніраваўся разам зь «Іслаччу»^[11]. Пазьней далучыўся да бабруйскай «Белшыны»^[12][13], у складзе якой дэбютаваў 10 красаівка 2015 году ў матчы супраць «Гомлю» на стадыёне «Цэнтральны», матч скончыўся паразай для бабруйскіх футалістаў зь лікам 2:0, а сам Аляксей правёў на пляцоўцы 82 хвілінаў. Па заканчэньні сэзону 2016 году пакінуў Бабруйск і завяршыў кар’еру.

8 верасьня 2007 году дэбютаваў у нацыянальнай зборнай Беларусі. Усяго за зборную згуляў 7 матчаў.

• Статыстыка «ПБ-Инфо» (рас.)