Ёнатан Та
Ёнатан Та (па-нямецку: Jonathan Tah; нар. 11 лютага 1996 году) — нямецкі футбаліст, цэнтральны абаронца клюбу «Баер» і нацыянальнай зборнай Нямеччыны. Мае івуарыйскага бацьку.
| Ёнатан Та | ||
 | ||
| Пэрсанальная інфармацыя | ||
|---|---|---|
| Нарадзіўся | 11 лютага 1996[1] (28 гадоў) | |
| Рост | 193 см | |
| Вага | 98 кг | |
| Пазыцыя | цэнтральны абаронца | |
| Клюбная інфармацыя | ||
| Клюб | Баер | |
| Нумар | 4 | |
| Клюбы | ||
| Гады | Клюб | Гульні (галы)¹ |
| 2013—2015 2014—2015 2015— | Гамбург → Фартуна (арэнда) Баер | 16 (0) 23 (0) 258 (12) |
| Зборныя | ||
| 2016— | Нямеччына | 23 (0) |
¹ Колькасьць гульняў і галоў за прафэсійны клюб лічыцца толькі | ||
Кар’ера
Клюбная
Пачаў займацца футболам у родным Гамбургу. Да акадэміі аднайменнага клюбу трапіў у 2009 году. У матчы Бундэсьлігі дэбютаваў 21 верасьня 2013 году ў хатнім матчы супраць «Вэрдэру»[2]. Сэзон 2014—2015 гадоў правёў у арэндзе ў складзе дусэльдорфскай «Фартуны»[3]. У ліпені 2015 году склаў пяцігадовы кантракт зь левэркузэнскім «Баерам»[4], які каштаваў «аптэкарам» 7,5 мільёнаў эўра. У новым клюбе надоўга трывала замацаваўся ў складзе, падаўжаючы дамову з «Баерам» у 2018 і 2021 гадах.
Міжнародная
У сакавіку 2016 году дэбютаваў у складзе нацыянальнай зборнай Нямеччыны ў таварыскім матчы супраць зборнай Ангельшчыны[5]. Та замяніў у перапынку матчу Матса Гумэльса. Наступны раз гулец выклікаўся да складу зборнай у 2019 году, але замацавацца ў каманды ня здолеў.
Дасягненьні
«Баер»:
- Чэмпіён Нямеччыны: 2024
- Уладальнік Кубка Нямеччыны: 2024