Sheynnis Palacios
Sheynnis Alondra Palacios Cornejo[2] (namundag Mayo 30 2000) iyo an sarong Nicaraguan model asin beauty pageant titleholder na kinoronahan na Miss Universe 2023. Kinoronahan bilang Miss Nicaragua 2023, siya an kaenot-enoteng Nicaraguan na nangganang Miss Universe.
| Sheynnis Palacios | |
|---|---|
_-_02.jpg) Shennyis Palacios kan 2021 | |
| Kamundagan | Sheynnis Alondra Palacios Cornejo Mayo 30, 2000 Managua, Nicaragua |
| Alma mater | Central American University |
| Langkaw | 180 cm[1] |
| Titulo | Miss Teen Nicaragua 2016 Miss World Nicaragua 2020 Miss Nicaragua 2023 Miss Universe 2023 |
| Beauty pageant titleholder | |
| Kolor kan buhokKolor kan buhok | Black |
| Kolor kan mataKolor kan mata | Brown |
| Mga darakulang kompetisyon | Miss World Nicaragua 2020 (Winner) Miss World 2021 (Top 40) Miss Nicaragua 2023 (Winner) Miss Universe 2023 (Winner) |
Bago an Miss Universe, nakipagkompetensya Sheynnis Palacios sa Miss World 2021 bilang Miss World Nicaragua 2020, nakabugtak sa Top 40.[3]
Kaamayi nin buhay asin edukasyon
Sheynnis Palacios namundag kan 30 Mayo 2000, sa Managua, Nicaragua.[4] Sheynnis Palacios nag'adal sa La Salle Managua Pedagogical Institute, kun saen siya guminana sa Miss Lasallista beauty pageant, na iyo an nagpukaw kan saiyang interes sa pageantry.[5], dangan siya nag-entra sa Central American University sa Managua, na naggradwar may bachelor's degree sa mass communication.[6] Kan siya estudyante sa unibersidad, Sheynnis Palacios nagkawat sa varsity volleyball team. Kan siya hubin pa, nagsapo' siya kan inapod na anxiety attack, na urog iyo an nagtolod saiya ipag'andurog an pagkagamiaw sa mental health na ginibo niya ining kampanya sa pageant.[7][6] Bago niya nakamit an titulong Miss Universe, Sheynnis Palacios nagtatrabaho bilang peryodista sa Nicaragua.[5]
Pageantry
Sheynnis Palacios nagbali sa industriya nin pageantry kan 2016, pakatapos na siya maputongan korona bilang Miss Teen Nicaragua 2016.[6] Siya dagos na nagrepresentar kan saiyang nasyon Nicaragua sa Teen Miss Universe 2017 pageant, kun saen siya naglugar sa Top 10.[8][9]
Dangan siya medyo nagpahingalo sa pag'ayon sa pageantry sagkod na nakipag'umbasan siya sa Miss World Nicaragua 2020, na saiyang ginana. Bilang Miss World Nicaragua, Sheynnis Palacios pigrepresentar an Nicaragua sa Miss World 2021.[10][11] An Miss World 2021 orihinalmente gibohon kuta sa San Juan, Puerto Rico kan 16 Desyembre 2021.[12] Duwang aldaw bago kan pag'anunsyo kan pageant, magkapira nang mga kaso nin COVID-19 an nababareta sa mga kagbarali asin mga staff, na huli kaini napiritan na an pageant i-oktaba na ngona sa puturo.[13][14][15][16] An pageant pinagtungod logod na gibohon sa 16 Marso 2022, na an pig'agda na magpartisipar 40 sanang pinili na mga semi-finalist; si Palacios napili asin nakalaog sa 40, alagad dai siya naka'ugsod sa sunod na hornada sa kompetisyon.[17][18][19]
Kan 2023, Sheynnis Palacios ipigbantolin na saro siya sa contestant para sa Miss Nicaragua 2023. An pageant ginibo kan Agosto 2023, kun saen Sheynnis Palacios nasikwit an titulo, na siya na an nagkaigwang deretsong magrepresentar kan saiyang nasyon sa Miss Universe 2023.[20]
