Leo Tolstoy
Si Konde'ng Lev Nikolayevich Tolstoy[note 1] (/ˈtoʊlstɔɪ, ˈtɒl-/;[2] Russian: Лев Николаевич Толстой,[note 2] IPA: [ˈlʲef nʲɪkɐˈla(j)ɪvʲɪtɕ tɐlˈstoj] (
dangogon); 9 September [O.S. 28 August] 1828 – 20 November [O.S. 7 November] 1910), na sa Ingles inapod na Leo Tolstoy, sarong Rusong parasurat na hinihiling na saro sa pinakamahusay na parasurat sa bilog na panahon.[3] Siya nagresibing mga nominasyon para sa Premyo Nobel sa Literatura taon-taon poon 1902 sundo 1906 asin nominasyon man para sa Premyo Nobel sa Katoninongan sa mga taon 1901, 1902, asin 1909. Alagad, apesar siring, siya dai man lamang nagawaran premyo, bagay na nagin dakulang kontrobersya.[4][5][6][7]
| Leo Tolstoy | |
|---|---|
 Si Tolstoy kan 23 Mayo 1908 sa Yasnaya Polyana,[1] Lithograph print ni Sergey Prokudin-Gorsky | |
| Katutubong ngaran | Лев Николаевич Толстой |
| Minundagan | 9 Septyembre 1828 Yasnaya Polyana, Tula Governorate, Imperyo Ruso |
| Kagadanan | 20 Nobyembre 1910 (edad 82) Astapovo, Ryazan Governorate, Russian Empire |
| Nilubongan | Yasnaya Polyana |
| Kasibotan | Nobelista, parasurat halipot na osipon, playwright, essayist |
| Panahon | 1847–1910 |
| Hirong pagsurat | Realismo |
| Bantog na gibo |
|
| Mga akì | 13 |
| Sadiring-tawo |
|
| Lagdâ |  |
Namundag sa sarong Rusong pamilyang aristokratiko kan 1828,[3] an mga maonabihan na mga sinurat ni Tolstoyt kabali diyan an mga nobelang War and Peace (1869) asin Anna Karenina (1878),[8] na an mga ini nasasambit na alitoktok na kan realistikong piksyon.[3] Nakamit niya enot an literaryong pag'umaw kan mga edad niya beynte pa sana kan nasurat niya an semi-autobiograpikong trilohiya , Childhood, Boyhood, asin Youth (1852–1856), saka Sevastopol Sketches (1855), na an mga ini ibinase niya sa saiyang mga eksperensiya sa Gerang Crimea. An saiyang mga piksyon kabali an pirang dinosenang mga halipot na osipon asin mga nobeleta arog kan The Death of Ivan Ilyich (1886), Family Happiness (1859), "After the Ball" (1911) asin an Hadji Murad (1912). Siya nagsurat man kan He dula asin magkakapirang mga urusipon na pilosopiko.
Kan mga 1870, si Tolstoy nag'agi sa hararom na krisis moral, na sinundan nin siring man hararom na pagkagamiaw na espiritwal, siring sa ipinahayag niya sa obrang bakong-piksyoniya tituladong A Confession (1882). An literal na interpretasyon niya kan mga etikal na katukdoan ni Hesus, nakasentro sa Sermon on the Mount, nagkawsa sa saiya nin maliputok na Kristiyanong pagka'anarkista asin pagkapacifista.[3] An mga ideya niyang tuninong na pagtutumang, na nakapahayag sa saiyang sinurat na The Kingdom of God Is Within You (1894), nagkaigwa nin matagom na impluwensya sa mga Ika-20ng siglong mga pigura siring ki Mahatma Gandhi[9] asin si Martin Luther King Jr.[10] Siya nagin man agit-agitan na paraanduyog kan inapod na Georgismo, an pilosopiyang ekonomiko ni Henry George, na hayag irinapot niya sa saiyang mga pagsusurat, orog na sa Resurrection (1899).
Kataytayan nin mga ladawan
Pintura ki Tolstoy, 1823
Sa edad na 20, c. 1848
Agom niyang Sophia, kilik aking si Alexandra
Nakabitis, nakabadong sa pobre
Si Tolstoy nagorganisar kampanya sa kagutoman,1891, Samara
Pitik ki Leo Tolstoy ni Ivan Kramskoi, 1873
Retrato niya, 1897
Pitik 1908 sa adalan niya (edad 80)
Gurang na siya
Lulubngan ni Tolstoy, nababawan mga burak
Hilnga man
Toltolan
Error sa pag-cite: <ref> mga tatak na eksistido para sa sarong grupo na pinagngaranan na "note", alagad mayong kinasungkoan na <mga pinapanungdanan na grupo="note"/>na tatak an nanagboan, o sarong panarado </ref> an nawawara