Karma yoga
An Karma yoga (Sanskrito: कर्म योग), na inaapod man na Karma marga, saro sa apat na klasikong espiritwal na dalan sa Hinduismo, saro na basado sa "yoga nin aksyon," an iba iyo an Jnana yoga (dalan nin kaaraman), Rāja yoga (dalan nin paghorophorop) asin Bhakti yoga (dalan nin mamomoton na debosyon sa sarong personal na dios).[1][2][3][4] Para sa sarong karma yogi, sarong porma nin pamibi an tamang aksyon.[5] An tolong dalan bakong eksklusibo sa Hinduismo, kundi an relatibong doon sa pag'oltan kan Karma yoga, Jnana yoga asin Bhakti yoga nagkakalaen sa lambang indibidwal.[6]
Sa klasikong mga dalan pasiring sa espiritwal na katalingkasan sa Hinduismo, an karma yoga iyo an dalan nin daing kaimotan na paghiro.[5][7] Itinotokdo kaiyan na an sarong naghahanap sa espiritwal maninigong humiro oyon sa dharma, na dai nadukot sa mga bunga o personal na mga resulta. An sabi kan Bhagavad Gita, nagdadalisay sa isip an Karma yoga. Iyan minagiya sa sarong tawo na horophoropon an trabaho, asin an gibohon oyon sa saiyang dharma, na ginigibo an gibo nin dios asin sa sentidong iyan nagigin asin nagigin "siring sa dios na si Krishna" sa gabos na panahon sa buhay nin sarong tawo.[5]
