Kaaraman

An kaaraman (Ingles: knowledge) iyo an pagkamidbid, kamansayan, asin pagsabot sa sarong bagay, siring kan katotoohan (kaaraman na deskriptibo), kasanayan (kaaraman na prosidyural), o bagay (kaaraman na midbid). Parate, nakukua an kaaraman sa manlaen - laen na paagi asin ginikanan. Kaubay sa mga ini an persepsyon, rason, memorya, testimonya, siyentipikong pag-aadal, edukasyon, asin pagtuod. Epistemolohiya naman an apod sa pilosopikal na pag-aadal sa kaaraman.

Mapupwedeng pigtutukoy kan kaaraman an teoretikal o praktikal na pagkasabot sa sarong bagay.^[1] Mapupwede ining panlaog (siring kan praktikal na katuodan) o panluwas (siring kan teoretikal na pagkasabot); pormal o bako; sistematiko o partikular. An rason kan pilosopong si Plato sa Theaetetus, may pagkakalaen an kaaraman asin tunay na pagtubod, na nagtaong-dalan nganing ta'wan-kahulugan an kaaraman bilang sarong "makatuwirang tunay na pagtubod."^[2][3] An problema ni Gettier, enot na luminuwas kan 1963, an nagpaluwas sa mga problema sa kahulugan na ini, asin padagos na ining pinagsusuhayan sa lado kan epistemolohiya puon pa kaidto.^[2]