Init

Sa termodinamika, an init (Ingles: heat) iyo an enerhiya na naibalyo pasiring o gikan sa sarong sistemang termodinamiko, sa paagi nin mekanismo na bakong gibong termodinamiko o pagbalyo kan materya.^{[1][2][3][4][5][6][7]}

Arug kan gibong termodinamiko, an pagbalyo kan init iyo sarong proseso na yaon sa mas dakol sa sarong sistema, bako karakter nin anumang sarong sistema. Sa termodinamika, an enerhiyang naibalyo bilang init iyo minaambag sa kaliwatan sa istado kan enerhiya nin sistema. Halimbawa, an panlaog na enerhiya o an saiyang entalpiya. Dapat an mga ini na malain hale sa ordinaryong konsepsyon na an init bilang sarong karakter kan nakasuway na sistema.

An kantidad kan enerhiyang naibalyo bilang ini sa sarong proseso iyo an bilang nin naibalyong enerhiya na dae kabali an gibong termodinamiko asin an maski anong enerhiya na yayaon sa materyang naibalyo. Para sa mas magayon na depinisyon kan init, kaipohan na nangyayari ini sa dalan na dae kabali an pagbalyo kan materya.^[8]

Alagad mayo sa depinisyon, pero sa mga espesyal na klase nin proseso, an kantidad kan enerhiyang naibalyo bilang init pupuwedeng masukol gamit an epekto niya sa mga istado kan nagiinter-aktong lawas. Halimbawa, sa mga espesyal na pangyayari, an pagbalyo kan init iyo pwedeng masukol sa bilang kan yelong natunaw, o sa kaliwatan sa temperatura nin sarong lawas sa kalibotan nin sistema.^[9] An mga paagi iyan iyo inaapod na kalorimetriya.

An kombensyunal na simbolo na ginagamit sa pagrepresenta kan bilang nin init na naibalyo sa termodinamikong proseso iyo an Q. Bilang sarong bilang nin enerhiya (na pigbabalyo), an SI na yunit kan init iyo an joule (J).