Duros (klasikong elemento)
An duros iyo saro sa apat na klasikong elemento kaiba an tubig, daga asin kalayo sa suanoy na pilosopiyang Griyego asin sa alkimiya sa Solnopan.
![](http://upload.wikimedia.org/wikipedia/commons/thumb/3/3c/Alchemical_air_symbol_%28fixed_width%29.svg/170px-Alchemical_air_symbol_%28fixed_width%29.svg.png)
Segun kay Plato, an duros igwang kinaaraman sa octahedron; an duros iyo pigkokonsiderar na parehong mainit asin basa. An mga suanoy na Griyego guminamit nin duwang kataga para sa duros: aer na an buot sabihon iyo an madiklom na ibabang atmospera, asin aether na an buot sabihon iyo an maliwanag na itaas na atmospera sa ibabaw kan mga panganoron.[1] Si Plato, minsan nagsurat na "So it is with air: there is the brightest variety which we call aether, the muddiest which we call mist and darkness, and other kinds for which we have no name...."[2] Kaiba sa mga suanoy na Griyegong Pre-Sokratikong mga pilosopo, si Anaximenes (tahaw nin ika-6 na siglo BCE) pigpangaran an duros bilang an arche.[3] An parehong pagtubod pigsugpon kan ibang suanoy na ginunoan ki Diogenes Apolloniates (patapos na ika-5 na siglo BCE), na siya man an nagsugpon kan duros sa kadunongan asin kalag (psyche), alagad an ibang ginunoan nagsasabi na an saiyang arche iyo an substance sa pag-oltanan kan duros asin kalayo.[4] Si Aristophanes inarog-arog an siring na katukdoan sa saiyang dulang The Clouds sa paagi kan pagbugtak kan pangadyion sa duros sa ngimot ni Socrates.