Asidong mataba
Sa kimika, partikular sa biyokimika, an asidong mataba (Ingles: fatty acid) iyo sarong asidong karboksiliko na may halabang alipatikong kadena, na iyo saturado o dae-saturado. Kadaklan sa mga natural na asidong mataba iyo igwang dae-nakasangang kadena sa numerong dibisible sa duwa na karbonong atomo, puon 4 hasta 28.[1]
An mga asidong mataba iyo dae harus nahihiling sa mga organismo sa solong porma kaini, kundi yaon sa tolong pangenot na klase nin ester: triglycerides, phospholipids, asin cholesteryl esters. Sa maski ano kaining porma, an mga asidong mataba iyo pararehas na importante bilang diyetaryong gunuan nin enerhiya para sa mga hayop sagkod sinda iyo importanteng istraktural na komposisyon kan selula.
An konsepto kan asidong mataba (acide gras) iyo pigheras kaidtong 1813 ni Michel Eugène Chevreul,[2][3][4] alagad guminamit sana siya nin pirang mga baryenteng termino: graisse acide asin acide huileux ("asidong taba" asin "asidong malana").[5]
