Adgaw
An adgaw (Premna odorata Blanco) saróng espesyes nin nagbuburak na tinanom sa pamilyang Lamiaceae.[2] Orog na midbid sa Ingles na fragrant premna (mahamot na Premna), asin mananagboan sa Subkontinenteng Indyano, Yunnan sa Tsina, Habagatan-sirangan na Asya, New Guinea, asin Amihanan na Australya, asin naturalisado sa Habagatan Florida.[3]
| Adgaw | |
|---|---|
 | |
| Bunga kan Adgaw | |
 | |
| An kahoy na adgaw | |
Sayantipiko na klasipikasyon  | |
| Kahadean: | Plantae |
| Klado: | Angiosperms |
| Klado: | Eudicots |
| Klado: | Core eudicots |
| Klado: | Asterids |
| Orden: | Lamiales |
| Pamilya: | Lamiaceae |
| Genus: | Premna |
| Espesyes: | P. odorata |
| Ngaran binomyal | |
| Premna odorata Blanco[1] | |
| Sinonimo[2] | |
Lista
| |
Sarong kahoy na ginagamit na bilang tradisyonal na pambulong sa Filipinas, asin pinapantanom bilang ornamental dyan asin kun sain pa.[4]
Deskripsyon
Saróng nagkakáhoy na tinanóm na minalangkáw nin dai mataas sa 10 metro[4] asín an mga dahon matipanás an poró, asín an bunga birilogbílog na mairóm na lila. An burak kainí berde asin malamutî.[5]
Pambulong na Gamit
Sa Filipinas, sarô na iní sa pinapamugták na bulóng sa nasyon.[4] An ginàgâ nin mga dahon asín burak kainí marháy sa hapò, sa pagpatukál kan dukót na plema, pampaluwas gànot, pampatìgab sa duros na nasáray sa tulák. Marháy man iní sa mga nag-aábo. An ginàgâ kainí marháy pa man sa tuberkolusis, asín an ogbós na ginàgâ marháy na pampahalì nin halod. Marháy man an ginàgâ na pampòpô sa ikinabuhay asín siring man pamparígos sa mga ombóy.[5][6][7]
Isla nin Siargao
An isla nin Siargao sa Filipinas pinagngaran hale sa P. odorata (midbid man duman na siargaw o saliargaw sa tataramon lokal).[8]
Toltolan
Plantilya:Lamiaceae-poon