Vawoitungsgliedarung vo Wales

Bis 1974 woa Wales in dreizehn Vawoitungsgrofschoftn eihteit:

1. Monmouthshire (Sir Fynwy)
2. Glamorgan (Sir Forgannwg)
3. Carmarthenshire (Sir Gaerfyrddin)
4. Pembrokeshire (Sir Benfro)
5. Cardiganshire (Sir Aberteifi oder Ceredigion)
6. Brecknockshire (Sir Frycheiniog)
7. Radnorshire (Sir Faesyfed)
8. Montgomeryshire (Sir Faldwyn)
9. Denbighshire (Sir Ddinbych)
10. Flintshire (Sir y Fflint)
11. Merionethshire (Sir Feirionnydd)
12. Caernarfonshire (Sir Gaernarfon)
13. Anglesey (Sir Fôn)

Dozua san de vawoitungstechnisch eingständinge County Boroughs Cardiff, Swansea und Merthyr Tydfil (olle in Glamorgan) sowia Newport in Monmouthshire kemma.

• Koartn vo de Vawoitungseihheitn voa 1974

Zwischn 1974 und 1996 hods in Wales ocht Countys gem, de si in Districts untateit hom („zwoastuafige Vawoitung“). Diese ocht Countys woan bei da Neioaganisation vo da Kommunoivawoitung 1974 onstej vo da 1888 eihgrichdtn dreizehn oidn Countys und vo de via County Boroughs: (Cardiff, Swansea, Merthyr Tydfil und Newport) gschoffn worn. Dena Countys san olle walisische Bezeichnunga gem worn. Ledigli de Glamorgan-Counties hom englische Nama eahoitn.

1. Gwent
2. South Glamorgan (De Morgannwg)
3. Mid Glamorgan (Canol Morgannwg)
4. West Glamorgan (Gorllewin Morgannwg)
5. Dyfed
6. Powys
7. Gwynedd
8. Clwyd

De 8cht Countys woan in Districts untateit:

• Clwyd: Alyn and Deeside, Colwyn, Delyn, Glyndwr, Rhuddlan, Wrexham Maelor
• Dyfed: Carmarthen, Ceredigion, Dinefwr, Llanelli, Preseli Pembrokeshire, South Pembrokeshire
• Gwent: Blaenau Gwent, Islwyn, Monmouth, Newport, Torfaen
• Gwynedd: Aberconwy, Arfon, Dwyfor, Meirionnydd, Anglesey
• Mid Glamorgan: Cynon Valley, Ogwr, Merthyr Tydfil, Rhondda, Rhymney Valley, Taff–Ely
• Powys: Brecon, Montgomery, Radnor
• South Glamorgan: Cardiff, Vale of Glamorgan
• West Glamorgan: Lliw Valley, Neath, Port Talbot, Swansea

De deazeitige Vawoitungsstruktua in Wales is am 1. Aprü 1996 eihgfiaht worn und telt Wales in 22 Principal Areas, des san Vawoitungsbeziake, de fia olle lokoin Vawoitungsafgom zuaständig san. Es gibt koa middlare Vawoitungsebene iwa iahna, so doss ma in Wales vo ana „oastuafing Vawoitung“ spricht. Diese Vawoitungseihheitn san mid de Unitary Authorities in England vagleichboa. De 22 Principal Areas hom zwoar olle an gleichn Vawoitungsstatus, fiahn jedoch afgrund iahra Gschicht bzw. iahra Gräß untaschiedliche Bezeichnunga so fiahn nein an Titl County, zehn an Titl County Borough, oane'n Titl City sowia zwoa an Titl City and County.

Wales bsitzt seit 1998 a Parlament mid bschränktn Befugnissn, de Walisische Nationoivasommlung (National Assembly for Wales).

Wo de englische Bezeichnung vo da walisischn obweicht, is de walisische in da foingdn Listn zuasätzli ogem:

Zu zeremoniejn Zweckn is Wales außadem in ocht Preserved Counties eihteit, de weitgehnd dena ocht Counties entsprechn, de in Wales zwischn 1974 und 1996 bstondn hom. Jede vo de 22 Principal Areas is am Preserved County zuagoadnd.