FC Wacker Minga
| Der Artikl is im Dialekt Obaboarisch gschriem worn. |
Da FC Wacker Minga (offiziej: FC Wacker München), Spitznama de Blausteane, is a Fuaßboivaein, der wo lange Zeit de Numma drei im Mingara Fuaßboi woa.
| FC Wacker Minga | ||
 | ||
| Basisdaten | ||
|---|---|---|
| Name | Fußball-Club Wacker München e. V. | |
| Gründung | 1. Dezemba 1907 | |
| Farben | Blau-Schwoaz | |
| Website | www.fc-wacker-muenchen.de | |
| Erste Fußballmannschaft | ||
| Cheftrainer | Bernd Klemm (seit 1. Juni 2009) | |
| Spielstätte | Bezirkssportolog Demleitnerstroß | |
| Plätze | ||
| Liga | Kreisklasse Minga 5 | |
| 2012/13 | 1. Platz Kroasklass Minga 5 (Klreisklasse München 5) | |
| ||
Gschicht
Da Vaein is 1903 untam Nama FC Isaria München grindt woan, und hoasst nach mehran Enderunga vom Nom seitm Joa 1920 offiziell FC Wacker München.
De 1920a worn de goidanen Joar vo de Blausteane. 1922 und 1928 hom de Wackerana jeweis s Hoibfinale ba da Endrundn zua Deitschn Fuassboimoastaschoft erreicht. Ban easchtn Moi homs nacha mit 0:4 gegn an Hamburger SV valorn und ban zwoatn Moi mit 1:2 gegn Hertha BSC.
In de 1980a hod da Niadagang vom Vaein ogfangt. 1999 hod de eafoigreiche Fraunobteilung an Vaein valossn und an FFC Wacker Minga 1999 grindd. 2004 hod da Vaein wegn Vauntreiung vo Vaeinsgejdan Insolvenz omejdn miass. Seit dem hod si da Vaein wieda kosolidiat.
2012/13 is da FC Wacker in da Kroasklass Minga 5 (Kreisklasse München, Gruppe 5) Moasta worn und spuit 2013/14 in da Kroasliga Minga (Kreisliga München).
Erfoige
- Hoibfinale in da Endrundn vo da Deitschen Moastaschaft: 1922, 1928
- Siddeitscha Moasta: 1922
- Moasta Amateurliga Bayern (spoda Bayernliga): 1946, 1958 (Südstaffel), 1964, 1970, 1972, 1976
Schau aaa: Saisonbilanzn vom FC Wacker Minga
Spuistettn
De bekonntaste Spuistettn vom FC Wacker wor da ehemolige Wackerplotz. In da Oberliga Sid hod da Vaein im 60a-Stadien on da Greawoida Stross gspuit. Vo 1963 bis 1972 wors Dantestadion da Plotz fia de Hoamspui. Heit is da Hoamplotz de Beziakssportolog Demleitnerstross, de wo on da Stej vom ehemolign Wackerplotz earichtet worn is.