Elsenfeld

Elsenfeld liegt in da Region Bayerischer Untermain auf da rechtn Mainseitn gengiwa vo Obernburg am Main am westlichn Rond vom Spessart etwa zwischn am 16 km entfeantn, neadlichn Aschaffenburg und da 20 km entfeanten, sidlichn Kroasstod Miltenberg. Duachschnittn werd da Moakt duachs Flisschen Elsava, de in Elsenfeld in an Main mindt. Da topografisch hechste Punkt vo da Gmoagemarkung befindt se mid 407 m ü. NN aufm Gipfe vom Eichelsbeag nördli vo Eichelsbach, da niedrigste liegt im Main auf 116,5 m ü. NN.

Elsenfeld hod siem Ortstei^[2] auf via Gemarkunga:

• Eichelsbach
• Elsenfeld
• Rück
  • Himmelthal
  • Kreuzmühle
  • Neuhof
• Schippach

Es gibt de Gemarkungen Eichelsbach, Elsenfeld, Rück und Schippach.

Gmoa Großwallstadt	Moakt Kleinwallstadt	Gmoana Hausen und Heimbuchenthal
Stod Obernburg am Main		Moakt Eschau
	Stod Erlenbach am Main und Forstwald (gmoafreies Gebiet)	Moakt Mönchberg

Elsenfeld is Tei vom Rhein-Main-Gebiet. Nochboagmoana san im Nordn da Moakt Kleinwallstadt (mid Ortstei Hofstetten), im Ostn da Spessart-Moakt Eschau (mid de Ortstei Hobbach, Sommerau und Wildensee), im Sidn de Stod Erlenbach am Main (midn Stodtei Mechenhard und Streit) und im Westn, jenseits vom Main, de scho gnennte Stod Obernburg am Main (midm Ortstei Eisenbach). Aa midm Moakt Mönchberg gibts a gmoasome Grenz im Bereich vo de Woidunga Himmelthal.

Sein urspringlichn Noma hod da Ort Elsaphe vom Fluss Elsava an dem er liegt. Späta san de Grundweata -feld und zeidweis -hoven hinzuagfigt worn.^[3]

Friahare Schreibweisn vom Ort aus diversn historischn Koarten und Urkundn:

Des Gebiet um Elsenfeld woar scho voa meah ois 5000 Joar bsiedlt. Davo zeing bandkeramische (bronzezeidliche) Gräbafunde bei Eichelsbach und Rück-Schippach. Olladings hods aus voafränkischa Zeid woahrscheinli koa kontinuialiche Bsiedlung gem.A relativ dichte Bsiedlung losst se fian Zeidraum uma 1600–700 v. Kr. duach Higlgräba bei Eichelsbach beleng. Eascht im 6. Joarhundad hod de eigntliche gschichtliche Periode ogfonga.

De äjdastn Siedlunga vom heitign Gmoagebiet san Eichelsbach und Schippach.Urkundli eawähnt is Elsenfeld easchtmois 1122 worn. De easchte urkundliche Eawähnung vo Schippach woar 1233. Rück is easchtmois uma 1270 in da sognenntn Mainzer Heberolle easchiena. Mittn vom 13. Joarhundad san olle Orte gmoasom im „Koppelfutter-Verzeichnis“ auftretn. Eichelsbach (Egilespach, auch Aigils- oder Egilspach) woar „leibeigen“.

Elsenfeld woar oana vo de 35 Gmoana im Landkroas Obernburg am Main (Kfz-Kennzeichn OBB). Mid da Auflesung vom Landkroas Obernburg is Elsenfeld 1972 in an nei buidtn Landkroas Miltenberg (Kfz-Kennzeichn MIL) kumma.

Am 1. Juli 1971 hom se de bis dohi sejbstständign Gmoana Eichelsbach, Rück und Schippach freiwillig am Moakt Elsenfeld ongschlossn.^[4]

De Eihwohna san iwawiegnd katholisch. De Pforrein Christkönig und St. Josef aus Elsenfeld, St. Barbara aus Eichelsbach und St. Pius (Rück-Schippach) hom se zua Pforreingmoaschoft Christus Salvator zammgschlossn.De Christkönigskiach is katholische Haptkiach. In de Summamonatn werd zuasätzli, voa oim wochndogs oda fis Hochzeidn, de 1767 im barockn Stil earichte Doafkiach St. Gertraud gnutzt. Bis zum Bau vo da Christkönigskiach voa etwa 50 Joar woar se Haptkiach vo da katholischn Gmoa. Außadem findn reglmäßige Gottesdienste im Seniorndomizil Haus Dominic stott.

• 
  St. Gertraud Elsenfeld
• 
  Oide Pforrkiach St. Gertraud
• 
  Hoamatmuseum mid Kiach im Hintagrund
• 
  Christkönigskiach
• 
  Johanneskiach in Rück

Elsenfeld liegt unweit vo da Onschlussstej Obernburg am Main vo da B . Elsenfeld is mid Obernburg duach a Mainbrugg (Stootsstroß 2308) vabundn. De friahare oide Mainbrugg Elsenfeld-Obernburg is obgrissn worn und auf de bstehandn Bruggpfeila eaheht a Foahrod- und Fuaßgängasteg earicht worn. Aa a weiträumige Ortsumgehungsstroß is baut worn, um doduach de duachn Innenort fiahrande Stootsstroß 230o zu entlastn.

• Eva Marie Schlicht: Die Marktgemeinde Elsenfeld mit den Ortsteilen Rück, Schippach und Eichelsbach, Verlagsdruckerei Schmidt Neustadt a. d. Aisch, Hg. Markt Elsenfeld 1990

 Commons: Elsenfeld – Sammlung vo Buidl, Videos und Audiodateien

• Elsenfeld: Woppmgschicht vom Haus der Bayerischen Geschichte
• Elsenfeld: Amtliche Statistik vom Bayerisches Landesamt für Statistik und Datenverarbeitung (LStDV)

Städt und Gmoandn im Landkreis Miltenberg

Altenbuch  |Amorbach  |Bürgstådt  |Collenberg  |Dorfprozelten  |Eichenbühl  |Elsenfeld  |Erlenbach am Main  |Eschau  |Faulbach  |Großheubach  |Großwallstadt  |Hausen  |Kirchzell  |Kleinheubach  |Kleinwallstadt  |Klingenberg am Main  |Laudenbåch  |Leidersbach  |Miltenberg  |Mömlingen  |Mönchberg  |Neinkira  |Niedanberg  |Obanburg am Main  |Röllbach  |Rüdenau  |Schneeberg  |Stadtprozelten  |Sulzbach am Main  |Weilbåch  |Wörth am Main