Ҡыҙыл машина
«Ҡыҙыл машина» — шайбалы хоккей буйынса СССР йыйылма командаһының ҡушаматы
| Ҡыҙыл машина |
Тәүге тапҡыр «Ҡыҙыл машина» тураһында 1970-се йылдарҙа, ике «хоккей» континентында СССР йыйылма командаһы уңышлы сығыш яһағас, һөйләй башлайҙар. Был һүҙҙәр америка матбуғатында барлыҡҡа килә, был СССР йыйылма командаһы уйынсылары араһында ризаһыҙлыҡ тыуҙыра: береһенә лә уларҙы роботтар менән сағыштырыу оҡшамай.
СССР йыйылма командаһына ҡарата «Ҡыҙыл машина» ҡушаматы тәүге тапҡыр Канаданың «Toronto Daily Star» гәзитенең 1971 йылдың 23 мартындағы һанында баҫма рәүешендә ҡулланылған булырға тейеш[1].
1980 йылда олимпия алды турнирында еңелеүгә аңлатма биреп, АҠШ капитаны Майк Эрузионе былай ти: «Улар роботтар кеүек ине. Гол индергәндә, хатта йылмайманылар ҙа. Мин уларҙың йылмайғанын бер ҡасан да күрмәнем һымаҡ тойолдо».
Команданың башҡа уйынсылары совет йыйылма командаһының оҫталығына һоҡланыуын билдәләй.
Хәҙерге заман ҡулланылышы
Һуңғы ваҡытта Рәсәйҙә хоккей буйынса Рәсәй йыйылма командаһына ҡарата «Ҡыҙыл машина» фразаһы йышыраҡ ҡулланыла, атап әйткәндә, 1993 йылда Германияла, 2008 йылда Канадала, 2009 йылда Швейцарияла[2], 2012 йылда Финляндияла[3], 2014 йылда Белоруссияла[4] һәм 2018 йылда Пхёнчханда Олимпия уйындарында еңеү яулаған чемпиондар йыйылма командаһы.
Шулай уҡ ҡарағыҙ
- Шайбалы хоккей БУЙЫНСА СССР йыйылма командаһы
- Шайбалы хоккей Буйынса Рәсәй йыйылма командаһы
- Боҙҙағы мөғжизә