Степанов Лев Борисович
Степанов Лев Борисович (26 декабрь 1908 йыл — 25 июнь 1971 йыл[1]) — композитор. СССР Композиторҙар союзы ағзаһы (1939). Бөйөк Ватан һуғышында ҡатнашыусы. Икенсе дәрәжә Сталин премияһы лауреаты (1951). Беренсе башҡорт балеты «Сыңрау торна» авторҙарының береһе[1].
| Степанов Лев Борисович | |
| Зат | ир-ат |
|---|---|
| Гражданлыҡ |  СССР |
| Тыуған көнө | 13 (26) декабрь 1908 |
| Тыуған урыны | Томск, Рәсәй империяһы |
| Вафат булған көнө | 25 июнь 1971 (62 йәш) |
| Вафат булған урыны | Мәскәү, СССР |
| Ерләнгән урыны | Мәскәүҙәге Дон зыяраты[d] |
| Һөнәр төрө | композитор |
| Уҡыу йорто | П. И. Чайковский исемендәге Мәскәү дәүләт консерваторияһы |
| Һуғыш/алыш | Бөйөк Ватан һуғышы |
| Ойошма ағзаһы | СССР Композиторҙар союзы[d] |
| Жанр | Опера |
| Маҡтаулы исемдәре һәм башҡа бүләктәре |   |
Әҫәрҙәре араһында опералар, балеттар, оркестр менән төрлө инструменттар өсөн концерттар, камерный вокаль һәм камерный инструменталь әҫәрҙәр, халыҡ йырҙарына эшкәртмәләр, кинофильмдарға музыка.
Күренекле композитор Л. Б. Степановтың исеме Башҡорт опера һәм балет театры менән бәйле: 1944 йылдың мартында Өфөлә «Сыңрау торна» («Журавлиная песнь») беренсе башҡорт балетының премьераһы уҙа (Л. Степанов һәм З. Исмәғилев музыкаһы, балетмейстеры Н. А. Анисимова)[1].
Биографияһы
Лев Борисович Степанов 1908 йылдың 26 декабрендә Томск ҡалаһында тыуған. Пианист булараҡ музыкаль белем ала. 1930—1932 йылдарҙа Мәскәү эстрадаһында һәм Радиоүҙәктә — пианист-аккомпаниатор, бер үк ваҡытта 1931—1933 йылдарҙа П. И. . Чайковский исемендәге Мәскәү консерваторияһында опера класы концермейстеры булып эшләй. 1933 1935 йылдарҙа Коммунистик көнбайыш милли аҙсылыҡтар универстетының агитация коллективы художество етәксеһе була. 1935—1937 йылдарҙа Дәүләт академия Ҙур театр (ГАБТ) концертмейстер . 1937—1941 йылдарҙа СССР халыҡ бейеүҙәре ансамбленең музыкаль етәксеһе.
1938 йылда Мәскәү консерваторияһын тамамлаған (Н. Я. Мясковский класы) тамамлай[1]. Студент йылдарында уҡ опералар яҙа башлай.
Бөйөк Ватан һуғышында ҡатнашҡан. Миҙалдар менән бүләкләнгән, улар араһында «1941-1945 йылдарҙағы Бөйөк Ватан һуғышында Германияны еңгән өсөн» миҙалы.
1946 йылдан алып СССР Министрҙар Советы ҡарамағындағы сәнғәт эштәре буйынса музыкаль учреждениелар идаралығының Баш репертуар комитетында эшләй.
Лев Борисович Степанов Мәскәүҙә 1971 йылдың 25 июнендә вафат була. Дон зыяратында ерләнгән.
Әҫәрҙәре
Опералар
- «Аэлита» (А. Толстойҙың повесы буйынса, үҙ либреттоһы, 1930)
- «Дуня бәхете» (1937)
- «Дарваз тарлауығы» (диплом эше, либреттоһы Я Гольденберг менән берлектә, 1939)
- «Сик һаҡсылары» (үҙ либреттоһы, 1939)
- «Гвардеецтар» (үҙ либреттоһы, 1947)
- «Иван Болотников» (либреттоһы Добржанский менән берлектә, 1950)
- «Йәшәү хаҡына» (үҙ либреттоһы,, 1952)
- «Чекист» (либреттоһы Дубравин В. менән берлектә, 1954)
- «Голсан» (1959)
- «Кешеләр һәм йылдар» (Горький, 1967)
Балеттар
- «Юрочка» (1939)
- «Тыуған яр» (1941)
- «Аҡҡош йыры» (Заһир Ғариф улы Исмәғилев менән берлектә, 1941)
- «Дуҫлыҡ юлы» (1960)
- «Скоморох» (1965)
Маҡтаулы исемдәре һәм башҡа бүләктәре
Икенсе дәрәжә Сталин премияһы (1951) — «Иван Болотников» операһы өсөн (1950).
Иҫкәрмәләр
Һылтанмалар
- СТЕПАНОВ Лев Борисович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Степанов, Лев Борисович // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.
- Степанов Лев Борисович 2016 йыл 26 ноябрь архивланған.