Йомағолов Илшат Хәлил улы
Йомағолов Илшат Хәлил улы (26 февраль 1932 йыл — 3 ноябрь 2007 йыл) — башҡорт театр актёры, драматург, юғары мәктәп уҡытыусыһы. 1953 йылдан СССР Театр эшмәкәрҙәре союзы, 1989 йылдан — СССР Яҙыусылар союзы ағзаһы. РСФСР‑ҙың (1979) һәм Башҡорт АССР-ының (1976) атҡаҙанған артисы.
| Йомағолов Илшат Хәлил улы | |
| Тыуған көнө | |
|---|---|
| Вафат булған көнө | |
| Ил | |
Биографияһы
Илшат Хәлил улы Йомағолов 1932 йылдың 26 февралендә БАССР-ҙың Көйөргәҙе районы Тимербай ауылында тыуған.
1952 йыл Өфө сәнғәт училищеһының театр факультетын тамамлай, аҙаҡ М. Ғафури исемендәге Башҡорт дәүләт академия театрында актёр булып 1988 йылғаса эшләй.
1959 йылда Мәскәүҙәге А. В. Луначарский исемендәге Дәүләт театр сәнғәте институтын тамамлай. 1971 йылдан 1975 йылғаса Ғәлиәскәр Камал исемендәге татар дәүләт академия театрында эшләп ала.
1962 йылдан 1966 йылғаса Өфө сәнғәт училищеһында художество етәксеһе була, 1982 йылдан 1990 йылғаса Өфө дәүләт сәнғәт иниститутында уҡыта. 1990 йылда Стәрлетамаҡ театр берлегендә эшләй.
2007 йылда вафат була.
Билдәле ролдәре
Актёр башҡорт театры сәхнәһендә 50-нән ашыу образ ижад итә, шулай уҡ кино сәнғәтендә лә бик уңышлы эшләй, теле-радиоспектаклдәрҙә тиҫтәләрсә роль уйнай.
- Макбет (У. Шекспир)
- Никита (Л. Н. Толстой)
- Протасов («Живой труп», Л. Н. Толстой)
- Треплев («Чайка», А. П. Чехов)
- Иванов («Иванов», А. П. Чехов)
- Закир («Ҡара йөҙҙәр», М. Ғафури)
- Аҡйегет («Ай тотолған төндә», М. Кәрим) һ. б.
Әҙәби ижады
Йомағолов тиҫтәләгән пьеса («Тылсымлы моң», «Нәркәс», "Сәсәндәр" һ.б.) авторы. Уның «Нәркәс» трагедияһы 1974 йылда СССР халыҡтарының драматургия фестиваленең 1-се дәрәжә дипломына лайыҡ була [1].
Маҡтаулы исемдәре һәм башҡа бүләктәре
- РСФСР-ҙың атҡаҙанған артисы (1979);
- БАССР-ҙың атҡаҙанған артисы (1976).
Видео
Иҫкәрмәләр
- Йомағолов Илшат Хәлил улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Лариса Абдуллина. Талант һәм фиҙаҡәрлек // Башҡортостан : гәзит. — 04.04.2012.
- Информация на kino-teatr.ru