Дуа Липа
Ду́а Ли́па (ингл. һәм алб. Dua Lipa; 22 август 1995) — Косово албандары сығышлы Бөйөк Британия йырсыһы, йырҙар авторы һәм модель[7][8]. Уның музыкаль карьераһы 14 йәшендә башлана, был ваҡытта ул YouTube сайтына Кристина Агилера һәм Нелли Фуртадо йырҙарының кавер-версияларын урынлаштыра башлай. 2015 йылда ул Warner Bros. Records компанияһы менән контракт төҙөй һәм тиҙҙән үҙенең тәүге синглын сығара. 2016 йылдың декабрендә The Fader журналы булышлығында йырсы тураһында See in Blue тигән документаль фильм сыҡҡан[9]. 2017 йылдың ғинуарында йырсы EBBA Public Choice Award премияһына лайыҡ була[10]. 2017 йылдың 2 июнендә Dua Lipa исемле тәүге дебют альбомының релиз була. Альбомдан айырым ете сингл сыҡҡан, шуларҙың икеһе («Be the One» һәм «IDGAF») шунда уҡ Бөйөк Британия чарттарында уңыш яулай. Британияла (UK Singles Chart) беренсе урын алған «New Rules» синглы, шулай уҡ АҠШ чарттарында алтынсы урынды биләргә ирешкән. 2018 йылдың февралендә British Female Solo Artist and British Breakthrough Act номинацияһында ике Brit Awards премияһын яулай. Апрелдә Липа һәм Кельвин Харристың «One Kiss» синглы шулай уҡ UK Singles Chart чартында беренсе урын алырға ирешкән.
Дуа Липа Dua Lipa | |
Төп мәғлүмәт | |
---|---|
Исеме | |
Тыуған | |
Тыуған урыны | |
Ил | |
Һөнәрҙәре | йырсы, йырҙар авторы, фотомодель |
Әүҙем йылдары | 2015 — х. в. |
Жанрҙар | |
Лейблы | Dua Lipa Limited, Warner Bros. Records |
Автограф | |
www.dualipa.com | |
Аудио, фото, видео Викимилектә | |
2019 йылдың февралендә Grammy Awards церемонияһында ике бүләк алған: «Electricity» синглы өсөн (Silk City менән бергә дуэт) Иң яҡшы башҡарыусы һәм Иң яҡшы бейеү яҙмаһы категорияларында[11].
Бала сағы
1995 йылдың 22 авгусында Лондонда тыуған[12]. Уның исеме «Дуа» албан теленән «Яратам», «Теләйем» йәки «Мохтажмын» булараҡ тәржемә ителә[13]. Уның ата-әсәһе — 1990-сы йылдарҙа Косово Республикаһы Приштинанан сыҡҡан этник албандар[7][8]. Sylvia Young Theatre Schoolruen уҡыу йортонда белем ала[14][15]. Липа атаһы йырсы Дукагжин Липаның музыкаһын тыңлап үҫкән[4][16]. 2008 йылда ғаиләһе менән бергә Косовоға ҡайтҡан, был ваҡытта ил Сербиянан бойондороҡһоҙлоҡ иғлан иткән. 15 йәшендә ул йәнә Лондонға китә, сөнки музыкаль карьераһын дауам итергә теләгән һәм үҙенең дуҫтары менән йәшәй башлаған[17]. 16 йәшендә модель карьераһын башлай[18].
14 йәшендә ул YouTube сайтына Кристина Агилера һәм Нелли Фуртадо һымаҡ башҡарыусылар йырҙарының кавер-версияларын урынлаштыра башлай[18][19]. 2013 йылда The X Factor телевизион рекламаһында төшкән[20].
Карьераһы
2015—17: Прорыв и Dua Lipa
2015 йылда Липа Warner Bros. Records лейблында үҙенең дебют альбомы өҫтөндә эшләй башлай[18]. Шул уҡ йылдың авгусында үҙенең «New Love» дебют синглн сығара,[21], уның продюсерҙары Эмили Хейни һәм Эндрю Уотт була[18]. 2015 йылдың октябрендә[22] «Be the One» тигән икенсе синглы сыға. Йырҙың авторы Люси «Поус» Тейлор була[13]. Ул Европала уңышҡа эйә була, Бельгияла, Польшала һәм Словакияла беренсе урынға барып етә[23], шулай уҡ 11 Европа илдәренең беренсе тиҫтәһенә эләккән. Австралияла һәм Яңы Зеландияла йыр ярашлы рәүештә 6 һәм 20 урын биләгән[24].
Йырсы үҙенең музыкаль стилен «дарк-поп» булараҡ билдәләй[22]. 2015 йылдың 30 ноябрендә Sound of…2016 исемлегенә индереүгә номинациялана[19]. 2016 йылдың ғинуарында уның Бөйөк Британия һәм Европа буйлап тәүге концерт туры башланған[4]. 2016 йылдың көҙөнә ҡарай уның Европа буйынса туры дауам иткән[25].
2016 йылдың 18 февралендә Дуа Липа үҙенең «Last Dance» тигән өсөнсө синглын сығара, уның артынса 6 майҙа «Hotter than Hell» йыры сыға. Ул бөтә донъяла, шул иҫәптән Бөйөк Британияла (15 урынға барып етә) хит булып китә[26]. 26 августта «Blow Your Mind (Mwah)» бишенсе синглының релизы була. Ул йырсының US Billboard Hot 100 чартына эләгеп 72-се урынға барып еткән тәүге синглы була[27]. «Blow Your Mind (Mwah)» йыры шулай уҡ Billboard Dance Club Songs чартына эләгергә ирешкән[28] һәм Billboard Mainstream Top 40 чартында 23-сө урынға барып еткән[29].
2016 йылдың ноябрендә Шон Пол йырсы Дуа Липа ҡатнашлығында «No Lie» синглын сығарған[30]. 2016 йылдың декабрендә The Fader журналының булышлығы менән йырсы тураһында See in Blue тигән документаль фильм төшөрөлгән[9]. 2017 йылдың ғинуарында Липа ҡатнашлығында Мартин Гаррикс «Scared to Be Lonely» синглын сығара[30].
2017 йылдың 2 июнендә уның «Dua Lipa» тигән дебют альбомы сыға[31][32][33]. Альбомдың «New Rules» тип аталған етенсе синглы Бөйөк Британияла беренсе урында яулай алған[26][34]. Хәҙерге көнгә йыр иң күп һатылыусы сингл булып киткән һәм төрлө илдәрҙең чарттарында top 10 эләккән (шул иҫәптән Австралияла — 2-се урын, Канадала — 7-се урын), шулай уҡ АҠШ-та 11-се урынға күтәрелгән[35]. 2017 йылдың июнендә Дуа Липа Glastonbury фестивалендә сығыш яһай[36][37]. Дүрт синглы 2017 йылда Бөйөк Британияның иң яҡшы тиҫтә йырҙары иҫәбенә ингән: «Be the One», «Bridge over Troubled Water», «New Rules» һәм «No Lie»[38][39].
2018 — хәҙерге ваҡыт: Икенсе студия альбомы
2018 йылдың ғинуарында 2018 Brit Awards премияһының биш номинацияһында күрһәтелә: British Female Solo Artist, British Breakthrough Act, MasterCard British Album of the Year («Dua Lipa»), British Single of The Year («New Rules») һәм British Video of The Year («New Rules»). Brit Award премияһын тапшырыу тантанаһында сығыш яһай һәм British Female Solo Artist менән British Breakthrough Act номинацияларында еңеү яулай[40].
2018 йылдың 6 апрелендә Кельвин Харрис менән берлектә «One Kiss» синглын сығара[41], ул 20 апрелдә Бөйөк Британияның UK Singles Chart хит-парадында беренсе урынға күтәрелә[42]. Липа был тректа вокалсы ғына түгел, ә уның авторҙашы ла була[43].
2018 йылдың 26 майында Киевта «Олимпийский» стадионында УЕФА Чемпиондар Лигаһы финалы алдынан сығыш яһай (шул иҫәптән бер йырҙы Sean Paul менән бергә башҡара). Эфир донъяның 220 иленә трансляцияланған[44][45][46].
2018 йылдың 8 сентябрендә Марк Ронсон менән берлектә «Electricity» синглының релизын сығара[47][48][49]. Атаһы менән бергә үҙенең музыкаль фествалендә — SunnyHill Festival сығыш яһай. Августта Косовоға фестивалде уҙғарыу өсөн ҡайтҡанда Приштинаның мэры Шпенд Ахмети уға ҡала асҡысын тапшыра[50]. Сентябрҙә Липа 2018 йылғы Формула-1 Сингапур Гран-приһында сығыш яһай[51]. 19 октябрҙә үҙенең «Dua Lipa» тигән дебют студия альбомының Complete Edition исеме аҫтында суперэксклюзив сығарылышын сығара, уға яңы өс йыр өҫтәлә (улар өҫтөндә эшләгәндә ул төрлө башҡарыусылар менән хеҙмәттәшлек иткән[52].
Шәхси тормошо
2018 йылдың ғинуарында Липа биш ай дауамында осрашҡан үҙенең егете Пол Клейн менән айырылышҡан. Хәҙерге ваҡытта Айзек Кэрью менән мөнәсәбәттәрҙә[53][54].
Филантропия
2016 йылдың йәйендә Дуа атаһы менән бергә Sunny Hill Foundation фондын ойошторған, ул Косово Республикаһы халҡына ярҙамға йүнәлтелгән[55].
Фильмография
Йыл | Атамаһы | Роль | Иҫкәрмәләр |
---|---|---|---|
2017 | Sounds Like Friday Night | Үҙ үҙен уйнай | 1 сезон, 6 эпизод |
2018 | Saturday Night Live | Музыкаль ҡунаҡ | Натали Портман/Дуа Липа |
Дискография
- Dua Lipa (2017)
Турҙар
- Хедлайнер
- 2016 UK Tour (2016)
- Hotter Than Hell Tour (Dua Lipa) (2016)
- US and Europe Tour (2017)
- The Self-Titled Tour (2017—2018)
- Концерттарҙа ҡатнашлығы
- Трой Сиван — Suburbia Tour (2016)
- Бруно Марс — 24K Magic World Tour (2017—2018)
- Coldplay — A Head Full of Dreams Tour (2017)[56]
Бүләктәр һәм номинациялар
Йыл | Ойошма | Бүләк | Номинацияланған эш | Һөҙөмтә |
---|---|---|---|---|
2016 | BBC | Sound of… 2016[19] | Ул үҙе | Номинация |
MTV Europe Music Awards | Best Push Act | |||
Popjustice £20 Music Prize | Best British Pop Single | «Hotter Than Hell» | ||
2017 | Eurosonic Noorderslag | European Border Breakers Awards: United Kingdom | Ул үҙе | Еңеү |
Public Choice | Еңеү | |||
Best Newcomer of the Year | Еңеү | |||
Brit Awards | Critics' Choice | Номинация | ||
NME Awards | Best British Female Artist | Номинация | ||
Best New Artist | Еңеү | |||
SCTV Music Awards | Young and Promising International Artist | Еңеү | ||
Glamour Awards | Next Breakthrough | Еңеү | ||
Teen Choice Awards | Choice Breakout Artist | Номинация | ||
BBC Radio 1’s Teen Awards | Best British Solo Artist | Номинация | ||
Best Single | «New Rules» | Еңеү | ||
MTV Europe Music Awards | Best UK & Ireland Act | Ул үҙе | Номинация | |
Best New Act | Еңеү | |||
Best Look | Номинация | |||
Telehit Awards | Emerging Artist in Networks | Номинация | ||
UK Music Video Awards | Best Pop Video — UK | «New Rules» | Еңеү | |
VEVO Must See Award | Номинация | |||
BAMA Music Awards | BAMA’s Best Video | Номинация | ||
Urban Music Awards | Best Pop Act | Ул үҙе | Номинация | |
BBC Music Awards | Album of the Year | Dua Lipa | Номинация | |
The Beano Awards | Pop Song of the Year | «New Rules» | Номинация | |
2018 | Wish 107.5 Music Awards | Wishclusive Performance of the Year by an International Artist | «Blow Your Mind (Mwah)» | Еңеү |
Global Awards[57] | Best Song | «New Rules» | Номинация | |
Best Female | Ул үҙе | Номинация | ||
Rising Star Award | Номинация | |||
Best Pop | Номинация | |||
Brit Awards | MasterCard British Album of the Year | Dua Lipa | Номинация | |
British Breakthrough Act | Ул үҙе | Еңеү | ||
British Female Solo Artist | Еңеү | |||
British Single of the Year | «New Rules» | Номинация | ||
British Video | Төшөп ҡалыу | |||
Gaygalan Awards[58] | International Song of the Year | Номинация | ||
iHeartRadio Music Awards[59] | Иң яҡшы музыкаль видео | Номинация | ||
WDM Radio Awards | Best Bass Track | «Scared to Be Lonely» (Мартин Гаррикс ҡатнашлығында) | Еңеү | |
Иң яҡшы электрон вокалисы | Ул үҙе | Еңеү |
Иҫкәрмәләр
Һылтанмалар
Дуа Липа Викиөҙөмтәлә | |
Дуа Липа Викимилектә | |
Дуа Липа Викияңылыҡтарҙа |
- Рәсми сайт
- MusicFeeds Interview (Апрель 2016)
- See in Blue documentary (Fader, Декабрь 2016).