Википедия:Азия айлығы 2020

Википедияла Азия айлығы — ноябрь айында үткәрелгән викимарафон. Википедияның төрлө тел бүлектәрендә Азия ҡитғаһына ҡағылышлы яңы мәҡәләләр яҙыу һәм булғандарын тулыландырыу маҡсатында ойошторола. Марафонға Википедияның һәр бүлегенән мөхәррирҙәр ҡушыла ала.

Конкурс 2015 йылда башланды, йыл һайын мәҡәләләр һаны һәм ҡатнашыусылар артты. Һуңғы өс йылда 50 телдә 2000-дән артыҡ мөхәррир 20500-ҙән артыҡ сифатлы мәҡәлә яҙҙы.

Бер телдә дүрт һәм унан күберәк мәҡәлә яҙған ҡатнашыусыға марафондың махсус открыткаһы тапшырыла. Ул марафонда ҡатнашыусы илдәрҙең береһенән почта аша ебәрелә.

Ниндәй илдән открытка киләсәген әлегә белмәйһегеҙ, был һеҙҙең өсөн сюрприз буласак!

Иң күп мәҡәлә яҙған ҡатнашыусыларға Азияның Википедиялағы илсеһе (ингл. Wikipedia Asian Ambassador) исеме бирелә.

Ҡыҫҡаса: Ноябрь айында Азия тураһында (халҡы, иҫтәлекле урындары, мәҙәниәте һәм башҡалар) мәҡәләләр яҙығыҙ. Минимум талаптар: 3000 байт һәм 300 һүҙ.

• • Тематик яҡтан Азияға ҡағылышлы булыу. Башҡорт Википедияһында Башҡортостанға ҡағылышлы яҙылған мәҡәләләр марафон иҫәбенә инмәй.
  • Мәҡәлә күләме 300 һүҙҙән йәки 3000 байттан кәм түгел.
  • Эстәлеге әһәмиәтле булырға тейеш.
  • Мәҡәлә йөкмәткеле булырға тейеш.
  • Сығанаҡтарҙың күрһәтелеүе мотлаҡ.
  • Етешһеҙлектәрҙе күрһәткән ҡалыптар булмаҫҡа тейеш (мәҫәлән, {{орисс}}, {{НТЗ}}, {{Һылтанмалар юҡ}} һ.б.).
  • Мәҡәләнең исемлек булмауы шарт.

Мәҡәләләрҙе теркәргә