Yaşar Əhmədov

Yaşar Əhmədov
Şəxsi məlumatlar
Doğum tarixi	24 sentyabr 1990 (33 yaş)
Doğum yeri	Tovuz rayonu, Azərbaycan SSR
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Silahlı Qüvvələri
Qoşun növü	Xüsusi Təyinatlı Qüvvələr
Xidmət illəri	2008—2010 / 2013—
Rütbəsi	Gizir
Döyüşlər	Qarabağ müharibəsi (2020) Murovdağ döyüşləri Cəbrayılın azad edilməsi Hadrutun azad edilməsi Füzulinin azad edilməsi
Təltifləri	2020 2024 2020 2021 2020 2021

Yaşar Mirağa oğlu Əhmədov (24 sentyabr 1990, Xatınlı, Tovuz rayonu) — Azərbaycan Ordusunun Xüsusi Təyinatlı Qüvvələrin giziri; Vətən Müharibəsi Qəhrəmanı.

Yaşar Mirağa oğlu Əhmədov 24 sentyabr 1990-cı ildə Tovuz rayonunun Xatınlı qəsəbəsində anadan olub. 1997–2008-ci illərdə F. Qasımov adına Xatınlı qəsəbə tam orta məktəbində təhsil alıb. Evlidir. Bir oğlu və bir qızı var.

2008-ci ildə Tovuz Rayon Hərbi Komissarlığı tərəfindən müddətli həqiqi hərbi xidmətə çağırılıb və 2008–2010-cu illərdə N saylı hərbi hissədə xidmət edib.

2013-cü ildə Müdafiə Nazirliyinin "Müddətdən Artıq Həqiqi Hərbi Xidmət Hərbi Qulluqçularının (MAHHXHQ) Hazırlığı Kursu"na qatılıb və Quru Qoşunlarının N saylı hərbi hissədə xidmət edib. 2015-ci ildə usə Xüsusi Təyinatlı Qüvvələrin N saylı hərbi hissəsində snayperçi olaraq xidmət edib.

2020-ci ilin sentyabrın 27-də başlanan Qarabağ müharibəsi zamanı Murovdağ döyüşlərində, həmçinin Cəbrayıl, Hadrut və Füzulinin azad edilməsi uğrunda gedən hərbi əməliyyatlar zamanı fərqlənib. Xüsusi xidmətləri nəzərə alınaraq Vətən Müharibəsi Qəhrəmanı adı verilib^[1], həmçinin "Cəbrayılın azad olunmasına görə"^[2], "Xocavəndin azad olunmasına görə"^[3], "Füzulinin azad olunmasına görə"^[4] və "Kəlbəcərin azad olunmasına görə"^[5] medalları ilə təltif edilib.

2022-ci ilin fevralın 11-də "Şücaətə görə" medalı ilə təltif olunub, iyunun 26-da isə "gizir" hərbi rütbəsi verilib.