Vilyena xəzinəsi
Vilenna xəzinəsi (isp. Tesoro de Villena) — Avropada Tunc dövrünün ən böyük qızıl xəzinə tapıntılarından biridir. Bu xəzinə qızıl, gümüş, dəmir və kəhrəbadan hazırlanmış, ümumi çəkisi təxminən 10 kiloqram olan 59 müxtəlif eksponatdan ibarətdir. Onlardan 9-u 23,5 karat qızıldır. Bu göstəricilər onu Pireney yarımadasındakı ən mühüm eramızdan əvvəlki xəzinə halına gətirir və Yunanıstanın Mikena şəhərindəki Kral qəbirlərindən sonra Avropanın ən önəmli ikinci xəzinəsidir.[1] Dəmir əşyaların bəziləri meteorik dəmirdən hazırlanmışdır.[2]
![](http://upload.wikimedia.org/wikipedia/commons/thumb/7/7a/Tesoro_de_Villena.jpg/300px-Tesoro_de_Villena.jpg)
Qızıldan olan eksponatlara bir kasa, üç butulka və 28 bilərzik daxildir. Buradakı dəmir parçaları Pireney yarımadasında tapılan ən qədim parçalardır. Arxeoloqlar bu xəzinənin tarixini e.ə. 1300–1000 illərə aid edirlər.[3]
Xəzinə 1963-cü ilin dekabrında arxeoloq Xose Mariya Soler tərəfindən Vilyenadan 5 kilometr (3,1 mil) aralıda tapıldı və hazırda Vilyena Arxeologiya Muzeyində zirehli vitrində daimi olaraq qorunur.
Vilenna xəzinəsindəki metal işləmələrin eynisinə 1913-cü ildə Almaniyanın Brandenburq şəhərində kəşf edilmiş böyük Ebersvalde xəzinəsində də rast gəlinir.
İstinadlar
Mənbələr
- SOLER GARCÍA, José María. El tesoro de Villena: memoria redactada por José María Soler [The treasure of Villena: a memory by José María Soler] (ispan). Alicante: Editado por Biblioteca Virtual Miguel de Cervantes, 2005. [Madrid]: Otra ed.: [Madrid], Ministerio de Educación Nacional, Servicio Nacional de Excavaciones Arqueológicas, D.L. 196, 75p,[42]p. de lám : il ; 25 cm (Excavaciones arqueológicas en España ; 36). 1967.
- M. I. Ayuntamiento de Villena, Villena ¡Un tesoro!, Touristic Guide to Villena. referring to the Treasure of Villena. (in English)
Həmçinin bax
Xarici keçidlər
Vikianbarda Vilenna xəzinəsi ilə əlaqədar mediafayllar var
- Museo Arqueológico José María Soler, where it is exhibited (isp.).