Veysyarv gölü

Veyosyarv gölü Vırtyarvs su toplayıcı hövzəsinə, Şərqiestoniya sutoplayıcı dairəsinə daxildir. Göl Karksi-Nuya şəhərindən 10 km şərqdə, 96 m dəniz səviyyəsindən yuxarıda yerləşir. Göl yaxınlığında Veyosyarve və Miyaekyula kəndləri vardır.

Su tutarının akvatoriyası Rubina qoruğu ərazisinə daxildir (Rubina looduskaitseala)^[1]. Göldə adi ilişkən balığı (lat. Misgurnus fossilis) yayılmışdır.

Veysyarv gölünun suyunun sərtliyi orta ağırdır. Limnoloji tipologiyasına görə sərt sulu göldür. 1950-ci illərdə göldə aparılan tətqiqatlar zamanı gölü hidrokarbonatlı göllər sinfinə daxil etmişlər. Minerallaşma 238,4 ilə 94,4 mq/l^[2] arasında dəyişir. Mezohumuslu göllər siyahısına daxildir^[3].

Gölün ümumi sahəsi 481,1 ha-dır (Estoniyanın sahəsinə görə 8-ci ən böyük su tutarı^[4] və 7-ci ən böyük gölüdür^[5]). Gölün uzunluğu — 3450 metr, eni — 1760 metrdir. Gölün ən dərin hissəsi 4 m, orta dərinliyi 1,3 metrdir. Sahil xəttinin uzunluğu isə 9048 m-dir. Su toplayıcı sahəsi 26,1 km² bəradərdir. Suyunun dəyişməsi ildə bir dəfə baş verir.

Gölün şərq sahilləri nisbətən hündürdür. Burada quru tarlalar yerləşir. Qərb hissəsi isə bataqlıqlaşmışdır^[6]. Göl şimaldan Yiski kanalına birləşir (Jõksi kraav)^[7]. Cənub hissəsindən isə Ixne çayı (Õhne jõgi)^[8] başlayır. Sonradan isə Vırtcyarv gölünə tökülür.

Göldə adi külmə, adi durnabalığı, çay sufu, qızılüzgəc, çapaq, adi xanı balığı və çay angvili^[9] kimi balıqları müşahidə etmək olar. Veyosyarv gölündə çapaq balıqları sürətli artıma malikdir^[10].

• Keskkonnaregistri avalik teenus. Veisjärv. Keskkonnainfo. register.keskkonnainfo.ee.
• Eeesti järvede nimestik. Looduslikud ja tehisjärved Arxivləşdirilib 2016-03-09 at the Wayback Machine. — Tallinn, 2006. ISBN 978-9985-881-40-8