Osip Abdulov

Osip Abdulov
Doğum tarixi	3 (16) noyabr 1900[1]
Doğum yeri	Lodz, Petrokov quberniyası[d], Varşava general-qubernatorluğu[d], Rusiya imperiyası
Vəfat tarixi	14 iyun 1953(1953-06-14)[1] (52 yaşında)
Vəfat yeri	Moskva, RSFSR, SSRİ
Vəfat səbəbi	ürək tutması
Dəfn yeri	Vvenedenskoye qəbiristanlığı[d]
Vətəndaşlığı	Rusiya imperiyası  RSFSR[d]  SSRİ
Uşağı	Vsevolod Abdulov
Fəaliyyəti	aktyor, kinorejissor, teatr rejissoru, teatr pedaqoqu[d]
Fəaliyyət illəri	1918–1953
Təhsili	Moskva Dövlət Universitetinin Hüquq fakültəsi[d] (1917–)
Mükafatları
Vikianbarda əlaqəli mediafayllar

Osip Naumoviç Abdulov (rus. О́сип Нау́мович Абду́лов; 3 (16) noyabr 1900^[1], Lodz, Varşava general-qubernatorluğu^[d] – 14 iyun 1953^[1], Moskva, RSFSR, SSRİ) — SSRİ teatr və kino aktyoru, rejissor. RSFSR xalq artisti (1944).^[2][3] Teatrdakı fəaliyyətinə görə II dərəcəli "Stalin" mükafatı laureatı (1951).^[4]

Parlaq komediya xarakter aktyoru olmuşdur. O, sovet kinosunda personajların dərin psixoloji inkişafı ilə kəskin xarici rəsmin təsvirləri qalereyasını yaratmışdır. Abdulov virtuoz texniki məharətə malik idi, qroteskdən yayınaraq parlaq satirik xüsusiyyətlər yaratmışdır.^[4]

Osip Naumoviç Abdulov 3 noyabr 1900-cü ildə Lodzda (indiki Polşa) yəhudi ailəsində anadan olmuşdur.^[5][6][7] Atası tekstil mühəndisi idi. 1913-cü ildə ailəsi Moskvaya köçmüşdür. 1917-ci ildə Moskva Universitetinin hüquq fakültəsinə daxil olmuşdur.

Səhnə fəaliyyətinə 1918-ci ildə Şalyapin studiyasında başlamış, 1923-cü ilə qədər^[4] burada çalışmış və ilk mühüm rolunu – Artur Şnitslerin "Yaşıl tutuquşu" (1919-cu ildə) əsərində sərxoş Qreni canlandırmış, sonra isə 1924–1925-ci illərdə sonra 1924-1925-ci illərdə Vera Komissarjevskaya Teatrında çıxış etmişdir.^[8] 1925–1926-cı illərdə Moskva İncəəsnət Teatrında, 1926–1927-ci illərdə Satira teatrında, növbəti mövsümü həmkarlar ittifaqı emalatxanasında keçirmişdir.^[9]

1924-cü ildən radioda əvvəlcə aktyor, sonra isə rejissor kimi çalışmış, 200-dən çox radio tamaşasına, o cümlədən Rollandın "Kola Brünyon", Dodenin "Taraskonlu Tartarin", Dikkensin "Pikvik klubu", Qoqolun "Şel", Qorkinin "Malva" və "Makar Çudra" əsərləri, həmçinin bir çox başqalarının radiotamaşalarına quruluş vermişdir. Uşaqlar üçün bədii veriliş təşkil etmişdir.^[10]

Eyniadlı Almaniya filmində Bethoven rolu və Çexoslovakiyanın "İmperatorun çörəkçisi" filmindəki Çörəkçi və İmperator rollarını dublyaj etmişdir.^[4]

14 iyun 1953-cü il tarixində vəfat etmişdir. O, Vvedenski qəbiristanlığında dəfn olunmuşdur.

• RSFSR xalq artisti (1944)
• İkinci dərəcəli "Stalin" mükafatı (1951)
• "Qırmızı əmək bayrağı" ordeni (1949)
• medallar

• Российская еврейская энциклопедия / Гл. ред. Г. Г. Брановер (т. 1) — Москва, ЭПОС, 1997. — с. 7 — ISBN 965-293-033-4

• Осип Абдулов (Актёрские байки)