Mənəvi Dəyərlərin Təbliği Fondu
| Mənəvi Dəyərlərin Təbliği Fondu | |
|---|---|
| |
 | |
| Ümumi məlumatlar | |
| Ölkə |  Azərbaycan |
| Yaradılma tarixi | 10 oktyabr 2017 |
| Tabelik | Dini Qurumlarla İş üzrə Dövlət Komitəsi |
| Ünvan | Azərbaycan, Bakı şəhəri |
| Rəhbərlik | |
| Rəhbər | Mehman İsmayılov |
| Müavin | Ceyhun Əliyev, Hatəm Gülməmmədov |
| Rəsmi saytı | mdtf.az |
Mənəvi Dəyərlərin Təbliği Fondu — Azərbaycan Respublikasının Dini Qurumlarla İş üzrə Dövlət Komitəsinin tabeliyində olan və Azərbaycan Respublikasında mənəvi dəyərlərin qorunmasına və inkişafına, bu sahədə sosial layihələrin reallaşdırılmasına, habelə vətəndaşların dini etiqad azadlığının həyata keçirilməsinə dövlət dəstəyi göstərən qeyri-kommersiya hüquqi şəxsdir[1].
Tarixi
mənbəni redaktə et.jpg)
Azərbaycan Respublikası Prezidentinin 10 oktyabr 2017-ci il tarixli Fərmanı ilə yaradılmışdır[1]. Elə həmin fərmanla "Mənəvi Dəyərlərin Təbliği Fondunun Nizamnaməsi" təsdiq edilmişdir[2].
Maliyyələşməsi
mənbəni redaktə etFondun əmlakı nizamnamə kapitalından, təsisçinin verdiyi digər əmlakdan, dövlət büdcəsindən ayrılan vəsaitdən, fəaliyyətindən əldə etdiyi gəlirdən, ianələrdən, qrantlardan, cəlb edilən investisiyalardan və qanuna uyğun əldə etdiyi digər vəsaitlərdən formalaşır[2].
Fondun nizamnamə kapitalı 100 000 manatdır və dövlət büdcəsinin vəsaiti hesabına formalaşır[1].
Fondun saxlanması və fəaliyyətinin təmin edilməsi Fondun əmlakı hesabına[2] – dövlət büdcəsindən ayrılan vəsait, habelə kreditlər, qrantlar və texniki yardımlar, fiziki və hüquqi şəxslərin ianələri və qanuna uyğun əldə etdiyi digər vəsaitlər hesabına həyata keçirilir[1].