Məhəmməd Kərimli
Məhəmməd Məzahim oğlu Kərimli (16 dekabr 2000, Neftçala rayonu – 30 sentyabr 2020, Murovdağ) — Azərbaycan Silahlı Qüvvələrinin əsgəri, Vətən Müharibəsinin şəhidi.
| Məhəmməd Kərimli | |
|---|---|
| Şəxsi məlumatlar | |
| Doğum tarixi | |
| Doğum yeri | Neftçala rayonu, Azərbaycan |
| Vəfat tarixi | (19 yaşında) |
| Vəfat yeri | Murovdağ ərazisi , Azərbaycan |
| Vəfat səbəbi | Şəhid olmuşdur. |
| Dəfn yeri | Neftçala rayonu |
| Vətəndaşlığı |  Azərbaycan |
| Atası | Məzahim Kərimli |
| Anası | Gülşən Kərimli |
| Təhsili | |
| Hərbi fəaliyyəti | |
| Mənsubiyyəti |  Azərbaycan Ordusu |
| Qoşun növü |  Quru Qoşunları |
| Xidmət illəri | 2020 |
| Rütbəsi | Əsgər |
| Döyüşlər | Vətən Müharibəsi • Füzulinin azad edilməsi • Murovdağ döyüşləri • Kəlbəcər döyüşləri • Hadrutun azad edilməsi |
| Təltifləri |    |
Həyatı
Məhəmməd Kərimli 16 dekabr 2000-ci ildə Azərbaycanın Neftçala rayonunda anadan olmuşdur. Məhəmməd 2007-ci ildə Neftçala rayonu Elton Həbibov adına 4 saylı tam orta məktəbində 1-ci sinifə daxil olmuşdur. Məhəmməd uşaq yaşlarından şahmat, güləş, boks və basketbolla məşğul olmuş və hər birindən müxtəlif dərəcələr almışdır. 2016-cı ildə Bakı şəhəri Bakı Qida Sənayesi kollecinin Ət və süd məhsullarının texnologiyası fakültəsinin əyanı şöbəsinə daxil olmuşdur. 2020-ci ildə isə həmin kollecdən məzun olmuşdur.
Hərbi Xidməti
Məhəmməd Kərimli 23 iyul 2020-ci il tarixində Neftçala RHK-dan hərbi xidmətə yollanmışdır. Xidmətdə olarkən Xüsusi Təyinatlı Qüvvələrə seçilərək xidmətini kəşfiyyatçı olaraq davam etdirmişdir. 2020-ci il sentyabrın 27-də Azərbaycan və Ermənistan arasında başlanan 2-ci Qarabağ müharibəsi zamanı cəbhə bölgəsində könüllü olaraq xidmət etmişdir. O, Kəlbəcər, Füzuli, Xocavənd və Murovdağ döyüşlərində yaxından iştirak etmişdir. Məhəmməd Kərimli sentyabrın 30-da Murovdağ uğrunda gedən döyüşlərdə qəhrəmancasına vuruşaraq şəhidlik zirvəsinə yüksəlmişdir. Məhəmməd Kərimli oktyabrın 6-da Neftçala rayonunda dəfn olunmuşdur.
Təltiflər
(15 dekabr 2020) — "Vətən uğrunda" medalı (ölümündən sonra)[1]
(18 dekabr 2020) — "Cəsür döyüşçü" medalı (ölümündən sonra)[2]
(25 dekabr 2020) — "Xocavəndin azad olunmasına görə" medalı (ölümündən sonra)[3]- (29 dekabr 2020) — "Kəlbəcərin azad olunmasına görə" medalı (ölümündən sonra)[4]
.JPG){kind=link}