Müstəqillik Günü (Ermənistan)

Müstəqillik günü
Müstəqillik günü
	; Hərbi paraddan bir görüntü (2016-cı il).
Ölkə	Ermənistan;
Növ	Dövlət
Qeyd olunmağa başlayıb	1991
Tarix	21 sentyabr
	Vikianbarda əlaqəli mediafayllar

Ermənistanın Dövlət Müstəqilliyi günü (erm. Հայաստանի Անկախության օրը) — Ermənistan Respublikasında əsas dövlət bayramı. Hər il 21 sentyabrda qeyd edilir.

Tarix

23 avqust 1990-cı ildə Ermənistan SSR-nin Ali Soveti Ermənistanın İstiqlal Bəyannaməsini qəbul etmiş, Ermənistan SSR-nin ləğvini və Ermənistan Respublikasının müstəqilliyini elan etmişdir.^[1] 21 sentyabr 1991-ci ildə Ermənistan xalqı müstəqillik referendumunda SSRİ-dən ayrılmaq üçün səs vermişdir. 1991-ci ilin noyabr ayında Levon Ter-Petrosyan Ermənistanın birinci prezidenti seçilmişdir. 21 dekabr 1991-ci ildə Ermənistan Müstəqil Dövlətlər Birliyinə (MDB) qoşulmuşdur. 26 dekabr 1991-ci ildə SSRİ rəsmi olaraq süquta uğramışdı.^[2]^[3]

Bu Ermənistan Respublikasının ikinci dəfə müstəqillik elan etməsi idi. Birincisi 28 may 1918-ci ildə baş vermiş və Birinci Ermənistan Respublikasının təsis edilməsilə nəticələnmişdir. Bu respublika 1920-ci ildə bolşeviklər tərəfindən işğal olunmuşdu.^[4]

Keçirilən tədbirlər

Hərbi parad

Ermənistanın müstəqilliyini qeyd etmək üçün Respublika meydanında 1992, 1996, 1999, 2006, 2011 və 2016-cı illərdə hərbi parad keçirilmişdir.^[5] 1996-cı ildə keçirilən hərbi parad Ermənistanın müstəqilliyinin 5-ci ildönümünü qeyd edirdi.^[6] 2006-cı ildə keçirilən hərbi parad Ermənistanın müstəqilliyinin 15-ci ildönümünü qeyd edirdi. Hərbi parad Müdafiə Naziri Serj Sarkisyan və Mikael Arutyunyanın əsgərlərin bayramlarını təbrik etmələri ilə başlamışdır.^[7]^[8] 2011-ci ildə keçirilən hərbi parad Ermənistanın müstəqilliyinin 20-ci ildönümünü qeyd edirdi.^[9]^[10]^[11] Hərbi parada Seyran Ohanyan və Yuri Xatçaturov nəzarət edirdi.^[12] 2016-cı ildə keçirilən hərbi parad Ermənistanın müstəqilliyinin 25-ci ildönümünü qeyd edirdi. Bu hərbi parad Ermənistan tarixində keçirilən ən böyük hərbi parad idi.^[13]^[14] Parada Andranik Maqariyan nəzarət edirdi. Hərbi parada ABŞ, Almaniya, İtaliya, Polşa və Yunanıstandan olan beynəlxalq sülhməramlı briqadanın qüvvələri də iştirak etmişdi.^[15]

Xarici iştirakçılar

İl	İştirakçı	Ölkə/Təşkilat
2011 2016	102-ci Rusiya Hərbi Bazası	Rusiya
2016	Beynəlxalq sülhməramlı briqada	Polşa ABŞ Almaniya İtaliya Yunanıstan

Diaspor

Ermənistanın müstəqillik günü Rusiya, Livan və ABŞ-da yaşayan ermənilər tərəfindən də qeyd olunur.^[16]

Qalereya

İstinadlar

Xarici keçidlər

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

Search